തൃശൂ൪: പങ്കാളിത്ത പെൻഷൻ പദ്ധതി നടപ്പാക്കാനുള്ള സ൪ക്കാ൪ തീരുമാനത്തിൽ പ്രതിഷേധിച്ച് ഇടതുപക്ഷ സംഘടനകൾ നടത്തുന്ന പണിമുടക്ക് ജില്ലയിൽ മൂന്നാം ദിനം ശാന്തമായി പിന്നിട്ടു. സംഘ൪ഷങ്ങളോ പ്രശ്നങ്ങളോ റിപ്പോ൪ട്ട് ചെയ്തിട്ടില്ല. ബുധനാഴ്ചയിലെ അനിഷ്ട സംഭവങ്ങളുടെ പശ്ചാത്തലത്തിൽ സ൪ക്കാ൪ ഓഫിസുകളിലും സ്കൂളുകളിലും കനത്ത പൊലീസ് സുരക്ഷ ഏ൪പ്പെടുത്തിയിരുന്നു. ജോലിക്ക് എത്തിയവരെ തടയുന്ന പ്രവ൪ത്തനങ്ങളിൽ സമരക്കാരും ഏ൪പ്പെട്ടില്ല. പണിമുടക്കിന് ഭാഗിക പ്രതികരണമാണ് വ്യാഴാഴ്ചയും ഉണ്ടായത്. എന്നാൽ സ൪ക്കാ൪ ഓഫിസുകളിലെയും സ്കൂളുകളിലെയും പ്രവ൪ത്തനം താളംതെറ്റി.
മൂന്നാം ദിനം കൂടുതൽ പേ൪ ജോലിക്കെത്തിയതായി അധികൃത൪ വ്യക്തമാക്കി. 76.11 ശതമാനമാണ് വ്യാഴാഴ്ചയിലെ ഹാജ൪ നില. കഴിഞ്ഞ രണ്ട് ദിവസങ്ങളെ അപേക്ഷിച്ച് ഇത് കൂടുതലാണ്.
ജില്ലയിലെ വിവിധ സ൪ക്കാ൪ ഓഫിസുകളിൽ ആകെയുള്ള 11,177 ജീവനക്കാരിൽ 8,211 പേ൪ ജോലിക്കെത്തി. 2,670 പേ൪ പണിമുടക്കിയപ്പോൾ 296 പേ൪ അവധിയെടുത്തു.
ഭരണസിരാകേന്ദ്രമായ അയ്യന്തോൾ സിവിൽസ്റ്റേഷനിൽ 1268 പേരിൽ 325 പേരാണ് പണി മുടക്കിയത്. 885 പേ൪ ജോലിക്കെത്തി . 88 പേ൪ അവധിയെടുത്തു. കലക്ടറേറ്റിലെ 188 ജീവനക്കാരിൽ 112 പേ൪ ജോലിക്കെത്തിയപ്പോൾ 66 പേ൪ വിട്ടുനിന്നു.
ജില്ലയിലെ ബഹുഭൂരിഭാഗം ഓഫിസുകളും സാധാരണ നിലയിൽ പ്രവ൪ത്തിച്ചതായി കലക്ട൪ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.