കുന്നംകുളം: കശാപ്പിന് കൊണ്ടുവന്ന കാളക്കൂറ്റൻ ലോറിയിൽനിന്ന് ഇറങ്ങിയോടിയത് നഗരത്തെ പരിഭ്രാന്തിയിലാഴ്ത്തി. വ്യാഴാഴ്ച രാത്രി ഏഴോടെയായിരുന്നു സംഭവം. ഒറ്റപ്പാലത്തുനിന്ന് കുന്നംകുളം മാ൪ക്കറ്റിലേക്ക് കൊണ്ടുവന്ന രണ്ടുകാളകളിൽ ഒരെണ്ണമാണ് വിറളിപിടിച്ചോടിയത്. കുന്നംകുളം സ്വദേശി മോഹന് വേണ്ടിയാണ് കാളയെ കൊണ്ടുവന്നത്. വിറളിപ്പിടിച്ച കാള കുന്നംകുളം ടൗണിൽ ബസ് സ്റ്റാൻഡിലൂടെ ഓടി വടക്കാഞ്ചേരി റോഡിലെത്തി. പിന്നീട് മാ൪ക്കറ്റ് പരിസരത്ത് എത്തിയതോടെ ഒപ്പമുണ്ടായിരുന്ന കാളയെ കണ്ട് ശാന്തനാകുകയായിരുന്നു. നഗരത്തിലൂടെയുള്ള കാളയുടെ ഓട്ടം കണ്ട് കാൽ നടയാത്രക്കാരും ബസ് ജീവനക്കാരും ഓടി രക്ഷപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.