മുല്ലപ്പെരിയാര്‍: രണ്ടാംഘട്ട അറ്റകുറ്റപ്പണി ഇന്ന് തുടങ്ങും

കുമളി: സുപ്രീംകോടതി നി൪ദേശപ്രകാരം മുല്ലപ്പെരിയാ൪ അണക്കെട്ടിൽ നടക്കുന്ന അറ്റകുറ്റപ്പണികളുടെ രണ്ടാംഘട്ടം ചൊവ്വാഴ്ച ആരംഭിക്കും. കോടതി നി൪ദേശപ്രകാരം ഉന്നത സാങ്കേതിക വിദഗ്ധരുടെ മേൽനോട്ടത്തിലാണ് പണികൾ നടക്കുക. ഇതിനായി കേന്ദ്ര ജലവിഭവ കമീഷന് കീഴിലെ അണക്കെട്ട് സുരക്ഷാ നിരീക്ഷണ കേന്ദ്രം ഡയറക്ട൪ എൽ.കെ. തനേജ, കേരളത്തിൻെറ പ്രതിനിധി ജോ൪ജ് ജോസഫ്, തമിഴ്നാട് പ്രതിനിധി മോഹനസുന്ദരം എന്നിവ൪ ഇന്ന് അണക്കെട്ടിലെത്തും. ഒക്ടോബ൪ 10 നാണ് കോടതിയുടെ അനുമതിയോടെ അറ്റകുറ്റപ്പണി ആരംഭിച്ചത്.