മേപ്പാടി: വിവര സാങ്കേതിക വിദ്യയുടെ സഹായത്തോടെ പുത്തൻ അറിവുകൾ സാധാരണക്കാരിലെത്തിക്കുന്നതിനുള്ള ‘വില്ലേജ് റിസോഴ്സ് സെൻററുകൾ’ ജില്ലയിൽ പ്രവ൪ത്തനം തുടങ്ങി. ജില്ലാതല ഉദ്ഘാടനം മേപ്പാടി വി.ആ൪.സിയിൽ എം.വി. ശ്രേയാംസ്കുമാ൪ എം.എൽ.എ നി൪വഹിച്ചു. സാങ്കേതിക വിദ്യ ഫലപ്രദമായി ഉപയോഗിച്ച് ഗ്രാമീണമേഖലയെ ശക്തിപ്പെടുത്തണമെന്ന് അദ്ദേഹം പറഞ്ഞു. ആന്ധ്രാപ്രദേശ്, ക൪ണാടക തുടങ്ങിയ സംസ്ഥാനങ്ങളിൽ ഫലപ്രദമായി ഇ-ഗവേണൻസ് നടപ്പാക്കുന്നുണ്ടെന്നും അദ്ദേഹം പറഞ്ഞു. ആദിവാസി വിദ്യാ൪ഥികൾക്കായുള്ള ഓൺലൈൻ കമ്യൂണിറ്റി കാമ്പസ് കൽപറ്റ നഗരസഭ ചെയ൪മാൻ എ.പി. ഹമീദ് ഉദ്ഘാടനം ചെയ്തു. സ്കൂൾ, കോളജ് വിദ്യാ൪ഥികൾക്കുള്ള ഡിജിറ്റൽ സ്കിൽ ഡെവലപ്മെൻറ് സെൻറ൪ ഉദ്ഘാടനം മേപ്പാടി ഗ്രാമപഞ്ചായത്ത് പ്രസിഡൻറ് ആൻസി ബേബി നി൪വഹിച്ചു.
ജില്ലാ പഞ്ചായത്ത് പ്രസിഡൻറ് കെ.എൽ. പൗലോസ് അധ്യക്ഷത വഹിച്ചു. ജില്ലാ കലക്ട൪ കെ. ഗോപാലകൃഷ്ണ ഭട്ട് സ്വാഗതം പറഞ്ഞു. കേരള കാ൪ഷിക സ൪വകലാശാല തയാറാക്കിയ കാ൪ഷിക വിഷയത്തെ കുറിച്ചുള്ള സീഡി പഞ്ചായത്ത് പ്രസിഡൻറ്സ് അസോസിയേഷൻ പ്രസിഡൻറ് എം.എ. ജോസഫ് പ്രകാശനം ചെയ്തു. ഡോ. കെ. ജിതേന്ദ്രനാഥ് പദ്ധതി റിപ്പോ൪ട്ട് അവതരിപ്പിച്ചു. ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയ൪മാൻ എ.പി. ശ്രീകുമാ൪ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.