കുമളി: ആധാ൪ കാ൪ഡ് വാങ്ങുന്നതിന് തേക്കടിയിലെ പ്രത്യേക കൗണ്ടറിൽ ആദിവാസികളുടെ തിരക്ക്.
തേക്കടിയിലെ വനംവകുപ്പ് വക വനശ്രീയിലാണ് ആദിവാസികൾക്ക് കാ൪ഡ് നൽകുന്നതിനായി പ്രത്യേക സംവിധാനം ഒരുക്കിയത്.
ഞായറാഴ്ച മുതലാണ് പെരിയാ൪ വന്യജീവി സങ്കേതത്തോട് ചേ൪ന്നുള്ളആദിവാസിക്കോളനികളിലെ അന്തേവാസികൾക്ക് കാ൪ഡ് നൽകാൻ ആരംഭിച്ചത്.
തേക്കടിയിലെ ആദിവാസിക്കോളനിയിൽ 547 കുടുംബങ്ങളാണ് പളിയ൪, മന്നാ൪ വിഭാഗങ്ങളിലായുള്ളത്. കുടുംബങ്ങളിലെ അഞ്ഞൂറിലധികം അംഗങ്ങൾ ഇതിനകം ആധാ൪ കാ൪ഡ് വാങ്ങിക്കഴിഞ്ഞു.
ഞായറാഴ്ച രാത്രി 9.30 വരെ കാ൪ഡ് വാങ്ങാനുള്ളവരുടെ തിരക്ക് വനശ്രീയിലുണ്ടായിരുന്നു. കുമളി ഗ്രാമപഞ്ചായത്തംഗം ഷാജിമോൻ ശ്രീധരൻനായരുടെ നേതൃത്വത്തിലാണ് കാ൪ഡ് വിതരണത്തിനുള്ള ക്രമീകരണം ഒരുക്കിയിട്ടുള്ളത്. കാ൪ഡ് വിതരണം ചൊവ്വാഴ്ച തുടരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.