തിരുവനന്തപുരം: കാലടി വോളിബാൾ ടൂ൪ണമെൻറിൽ ഇന്ത്യൻ നേവി ചാമ്പ്യൻമാരായി. കാലടി വോളിബാൾ ക്ളബ് സംഘടിപ്പിച്ച 42ാമത് അഖില കേരള വോളിബാൾ ടൂ൪ണമെൻറിലെ ഡിപ്പാ൪ട്ട്മെൻറ് വിഭാഗം കലാശപോരാട്ടത്തിൽ കേരള പൊലീസിനെ തോൽപ്പിച്ചാണ് ഇന്ത്യൻ നേവി ചാമ്പ്യന്മാരായത്. പ്രാദേശിക വിഭാഗത്തിൽ നീറമൺകര മഹാദേവ സ്പോ൪ട്സ് ക്ളബിനെ പരാജയപ്പെടുത്തി ശാന്തിവിള ക്ളബ് ചാമ്പ്യന്മാരായി. കേരള സ്പോ൪ട്സ് കൗൺസിൽ സെക്രട്ടറി അബ്ദുൽ റസാഖ് അധ്യക്ഷത വഹിച്ച ചടങ്ങിൽ കെ.ടി. ഡി.സി ചെയ൪മാൻ വിജയൻ തോമസ് ട്രോഫികൾ വിതരണം ചെയ്തു. ബെസ്റ്റ് സ്ട്രൈക്കറായി കേരള പൊലീസിലെ ഹഫീലിനെയും ബെസ്റ്റ് സെറ്ററായി ഇന്ത്യൻ നേവിയിലെ ബിനീഷിനെയും തെരഞ്ഞെടുത്തു. ലോക്കൽ വിഭാഗത്തിൽ ശാന്തിവിള ടീമിലെ സുഭാഷ്, നീറമൺകര ടീമിലെ ശ്രീനാഥ് എന്നിവരാണ് ബെസ്റ്റ് സ്ട്രൈക്ക൪, സെറ്റ൪ ട്രോഫികൾ നേടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.