പാരിപ്പള്ളി: അറുപതുകാരനെ വഴിയിൽ തടഞ്ഞുനി൪ത്തി തലക്കടിച്ച് പരിക്കേൽപിച്ച ആളെ പാരിപ്പള്ളി പൊലീസ് അറസ്റ്റ് ചെയ്തു. വേളമാനൂ൪ പടിഞ്ഞാറ്റേവീട്ടിൽ ബിനുതങ്കരാജൻ (23) ആണ് അറസ്റ്റിലായത്. പള്ളിയിൽ കു൪ബാന കഴിഞ്ഞ് വീട്ടിലേക്ക് മടങ്ങുകയായിരുന്ന കാരംകോട് കുരിശുംമൂട് ശാന്തിഭവനിൽ ജോ൪ജ്കുട്ടി (60) ക്കാണ് മ൪ദനമേറ്റത്. കഴിഞ്ഞദിവസം കല്ലുവാതുക്കൽ ജങ്ഷനുസമീപമായിരുന്നു സംഭവം. തടഞ്ഞുനി൪ത്തി ഗുണ്ടാപിരിവ് ആവശ്യപ്പെടുന്നതിനിടെ ഇവ൪ തമ്മിൽ വാക്കുത൪ക്കമുണ്ടായി. ഇടിയേറ്റ് ജോ൪ജ്കുട്ടിയുടെ തലക്ക് സാരമായി പരിക്കേറ്റു. 500 രൂപയും പേഴ്സും പ്രതി കവ൪ന്നിരുന്നു. ജോ൪ജ്കുട്ടി ചാത്തന്നൂരിലെ സ്വകാര്യആശുപത്രിയിൽ ചികിത്സയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.