കോട്ടയം: വനിതാ ആയു൪വേദ മെഡിക്കൽ ഓഫിസിലേക്ക് എൻ.ജി.ഒ അസോസിയേഷൻ പ്രവ൪ത്തക൪ തള്ളിക്കയറിയതിനെത്തുട൪ന്ന് ഡി.എം.ഒ കുഴഞ്ഞുവീണു. ഇതേതുട൪ന്ന് ഡോ.ആ൪.ബി. രമാദേവിയെ ജില്ലാ ആശുപത്രിയിൽ പ്രവേശിപ്പിച്ചു. വെള്ളിയാഴ്ച രാവിലെ 11ന് വയസ്കരക്കുന്നിലെ ആയു൪വേദ ആശുപത്രിയിലായിരുന്നു സംഭവം.
ഒഴിവുവന്ന തസ്തികയിലേക്ക് താൽക്കാലിക നിയമനം നടത്തിയതുസംബന്ധിച്ച് ഉണ്ടായത൪ക്കമാണ് കാരണം. നിയമനം സംബന്ധിച്ച് ചോദിക്കാൻ അസോസിയേഷൻ അംഗമായ ആശുപത്രി ജീവനക്കാരൻെറയും ജില്ലാ പ്രസിഡൻറ് മോഹനചന്ദ്രൻെറയും നേതൃത്വത്തിൽ ഇരുപത്തിയഞ്ചോളം പേരാണ് ഡി.എം.ഒ ഓഫിസിൽ എത്തിയത്. അസഭ്യം പറഞ്ഞ് കൈയേറ്റം ചെയ്യാൻ ഒരുങ്ങിയപ്പോൾ രക്തസമ്മ൪ദം കൂടി ഡോക്ട൪ കുഴഞ്ഞുവീഴുകയായിരുന്നു. കടുത്ത നെഞ്ചുവേദന അനുഭവപ്പെട്ടതിനെത്തുട൪ന്ന് രമാദേവിയെ സഹപ്രവ൪ത്തക൪ ചേ൪ന്ന് ജില്ലാ ആശുപത്രിയിൽ എത്തിച്ചു.
എസ്റ്റാബ്ളിഷ്മെൻറ് വിഭാഗത്തിലെ ഒഴിവിലേക്ക് നഴ്സിനെ താൽക്കാലികമായി നിയോഗിച്ചത് അക്കൗണ്ടൻറിന് അനിഷ്ടമുണ്ടാക്കിയതാണ് സംഘ൪ഷത്തിന് കാരണമെന്ന് പറയപ്പെടുന്നു. അക്കൗണ്ടൻറ് തന്നെ ഈ തസ്തികയിലേക്ക് മാറ്റി നിയമിക്കണമെന്ന് രമാദേവിയോട് ആവശ്യപ്പെട്ടിരുന്നു. എൻ.ജി.ഒ അസോസിയേഷൻ അംഗമായ ഇയാളുടെ ആവശ്യം ഡി.എം.ഒ ചെവിക്കൊണ്ടില്ല. താമസിച്ച് എത്തുകയും നേരത്തേ പോകുകയും ചെയ്യുന്ന ആളെ ഇതിലേക്ക് നിയമിക്കാനാവില്ലെന്ന് അറിയിച്ചതാണ് ഇയാളെ ചൊടിപ്പിച്ചതത്രേ.
സംഭവം സംബന്ധിച്ച് കലക്ട൪, ഡിവൈ.എസ്.പി, വെസ്റ്റ് എസ്.ഐ, വനിതാ കമീഷൻ തുടങ്ങിയവ൪ക്ക് പരാതി നൽകി.
ഡോ. ആ൪.ബി രമാകുമാരിയെ എൻ.ജി.ഒ അസോസിയേഷൻ പ്രവ൪ത്തക൪ അപമാനിച്ചതിൽ കെ.ജി.ഒ.എ ജില്ലാ സെക്രട്ടേറിയറ്റ് പ്രതിഷേധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.