ഭുവനേശ്വ൪ : ഇന്ത്യ തദ്ദേശീയമായി വികസിപ്പിച്ചെടുത്ത അഗ്നി1 മിസൈൽ വിജയകരമായി പരീക്ഷിച്ചു. വെള്ളിയാഴ്ച രാവിലെ 10.06 ന് ഒഡീഷയിലെ വീല൪ ദ്വീപിലായിരുന്നു പരീക്ഷണം. 700 കിലോമീറ്റ൪ ദൂരശേഷിയുള്ളതാണ് അഗ്നി1 മിസൈൽ.
പ്രത്യേകം തയ്യാറാക്കിയ ടട്ര ട്രക്കിൽ വെച്ചായിരുന്നു മിസൈൽ വിക്ഷേപണം. ബംഗാൾ തീരത്തെ ലക്ഷ്യം വെച്ച് നടത്തിയ വിക്ഷേപണം കൃത്യസ്ഥാനത്ത് തന്നെ പതിച്ചതായി സൈനിക അധികൃത൪ വ്യക്തമാക്കി.
ഡിഫെൻസ് റിസ൪ച്ച് ആന്റ് ഡെവലപ്മെന്റ് ഓ൪ഗനെസേഷൻ (ഡി.ആ൪.ഡി.ഒ)രൂപകൽപന ചെയ്തതാണ് അഗ്നി മിസൈൽ. 5,000 കിലോമീറ്റ൪ ദൂരശേഷിയുള്ള അഗ്നി 5 കഴിഞ്ഞ എപ്രിൽ മാസത്തിലാണ് ഇന്ത്യൻ സൈന്യം വിജയകരമായി പരീക്ഷിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.