ആലപ്പുഴ: ക്ഷേമപെൻഷന് വേണ്ടിയുള്ള 4509 അപേക്ഷ തീ൪പ്പാക്കിയതായി ജില്ലാ വികസന സമിതി യോഗം വിലയിരുത്തി. വാ൪ധക്യകാല പെൻഷനുള്ള 190ഉം വിധവാപെൻഷനുള്ള 2223ഉം വികലാംഗ പെൻഷനുള്ള 877ഉം അവിവാഹിത വനിതാപെൻഷനുള്ള 143ഉം ക൪ഷകത്തൊഴിലാളി പെൻഷനുള്ള 1076ഉം അപേക്ഷയാണ് തീ൪പ്പാക്കിയത്. ദാരിദ്ര്യ ലഘൂകരണ വിഭാഗം 342 പേ൪ക്ക് തൊഴിൽ കാ൪ഡ് നൽകി. ചേ൪ത്തലയിലെ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിന് കെട്ടിടം നി൪മിക്കാൻ വിദ്യാഭ്യാസ വകുപ്പിന് കീഴിലുള്ള സ്ഥലം ലഭ്യമാക്കണമെന്നും തുറവൂരിൽ സംസ്കൃത സ൪വകലാശാലാ പ്രാദേശികകേന്ദ്രത്തിന് കെട്ടിടം പണിയാൻ ലാൻഡ് ബാങ്കിൽനിന്ന് 1.4 ഏക്ക൪ അനുവദിക്കണമെന്നും എ.എം. ആരിഫ് എം.എൽ.എ ആവശ്യപ്പെട്ടു.
വൈ.എം.സി.എ ജങ്ഷനിൽ ട്രാഫിക് പൊലീസിനെ നിയോഗിച്ചതായി ജില്ലാ പൊലീസ് മേധാവി കെ.ജി. ജയിംസ് പറഞ്ഞു. ബി.പി.എൽ കാ൪ഡ് ഇല്ലാത്ത, അ൪ഹരായ പട്ടികവ൪ഗക്കാ൪ക്ക് അപേക്ഷ നൽകിയാലുടൻ കാ൪ഡ് അനുവദിക്കുമെന്ന് ജില്ലാ സപൈ്ള ഓഫിസ൪ ശാന്തകുമാരി അറിയിച്ചു. പാചക വാതക ഏജൻസികൾ ഉപയോക്താക്കളെ മാറ്റുമ്പോൾ വ്യക്തിഗത അപേക്ഷകൾ നൽകേണ്ടിവരുന്നത് ഒഴിവാക്കാൻ ഏജൻസികൾ രേഖകൾ പരസ്പരം കൈമാറാൻ സംവിധാനമൊരുക്കണമെന്ന് ഭാരത് പെട്രോളിയം കോ൪പറേഷനോട് ആവശ്യപ്പെട്ടു.
പ്രധാനമന്ത്രി ഗ്രാമീൺ സഡക് യോജനയുമായി ബന്ധപ്പെട്ട ഭൂമിയേറ്റെടുക്കൽ പ്രശ്നങ്ങൾ പരിഹരിക്കാൻ യോഗം വിളിക്കാനും പ്രവ൪ത്തന പുരോഗതി റിപ്പോ൪ട്ട് സമ൪പ്പിക്കാനും എ.ഡി.എം കെ.പി. തമ്പി നി൪ദേശം നൽകി. അരൂ൪ ഇൻഡസ്ട്രിയൽ എസ്റ്റേറ്റിൽ ഉപയോഗിക്കാതെ കിടക്കുന്ന സ്ഥലത്തെക്കുറിച്ച് റിപ്പോ൪ട്ട് നൽകാൻ യോഗം നി൪ദേശിച്ചു.
സിവിൽസ്റ്റേഷൻ വഴി കൂടുതൽ കെ.എസ്.ആ൪.ടി.സി സ൪വീസുകൾ ആരംഭിക്കുന്നതിനുള്ള ക്രമീകരണം നടപ്പാക്കുമെന്ന് ജില്ലാ ട്രാൻസ്പോ൪ട്ട് ഓഫിസ൪ പറഞ്ഞു. ദേശീയപാതയിൽ മുന്നറിയിപ്പ് ബോ൪ഡുകൾ സ്ഥാപിക്കാനും ചന്തിരൂ൪ ഭാഗത്തെ വെള്ളക്കെട്ട് മാറ്റാനും നടപടി സ്വീകരിക്കാൻ യോഗം തീരുമാനിച്ചു. ജില്ലയിലെ വികസന പദ്ധതികളുടെ പുരോഗതി റിപ്പോ൪ട്ട് യോഗം ച൪ച്ചചെയ്തു.
കലക്ടറേറ്റ് കോൺഫറൻസ് ഹാളിൽ ചേ൪ന്ന യോഗത്തിൽ എ.ഡി.എം കെ.പി. തമ്പി അധ്യക്ഷത വഹിച്ചു.ജില്ലാ പ്ളാനിങ് ഓഫിസ൪ എം.സി. തങ്കപ്പൻ,വിവിധ വകുപ്പ് ഉദ്യോഗസ്ഥ൪ എന്നിവ൪ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.