അമലനഗ൪: കാൻസ൪ ചികിത്സക്ക് ഉപയോഗിക്കുന്ന കീമോ തെറപ്പി മരുന്നുകളുടെ വില നിയന്ത്രിക്കാൻ സ൪ക്കാ൪ നടപടി സ്വീകരിക്കുമെന്ന് മുഖ്യമന്ത്രി ഉമ്മൻചാണ്ടി. അമല മെഡിക്കൽ കോളജ് ആശുപത്രിയിൽ പുതുതായി ആരംഭിച്ച പെറ്റ് സി.ടി യുടെയും റേഡിയോളജി ബ്ളോക്കിൻെറയും ഉദ്ഘാടനം നി൪വഹിക്കുകയായിരുന്നു അദ്ദേഹം. ആദായനികുതി കൊടുക്കാത്തവരും സാമ്പത്തികമായി പിന്നാക്കം നിൽക്കുന്നവരും സ൪ക്കാ൪ ജോലിക്കാരല്ലാത്തവരുമായ എല്ലാ വിഭാഗം ജനങ്ങൾക്കും ചികിത്സാ സഹായം ലഭ്യമാക്കും. ഇതിനായി ബിവറേജസ് കോ൪പറേഷൻെറ വിറ്റുവരവിൽ ഒരു ശതമാനം തുക നീക്കിവെക്കും. തിരുവനന്തപുരം റീജനൽ കാൻസ൪ സെൻററിനെ നാഷനൽ കാൻസ൪ സെൻററായും, തലശേരി മലബാ൪ കാൻസ൪ സെൻററിനെ റീജനൽ കാൻസ൪ സെൻററായും ഉയ൪ത്താൻ വേണ്ട നടപടികൾക്കായി കേന്ദ്ര ആരോഗ്യ മന്ത്രാലയവുമായി ച൪ച്ച നടത്തും. അടാട്ട് പഞ്ചായത്ത് പ്രസിഡൻറ് ടി. ജയലക്ഷ്മി അധ്യക്ഷത വഹിച്ചു. പി.എ. മാധവൻ എം.എൽ.എ അമല മെഡിക്കൽ കോളജ് പ്രിൻസിപ്പൽ, ഡോ. എം.ആ൪. ചന്ദ്രൻ എന്നിവ൪ സംസാരിച്ചു. അമല ഡയറക്ട൪ ഫാ. വാൾട്ട൪ തേലപ്പിള്ളി സ്വാഗതവും അസോസിയേറ്റ് ഡയറക്ട൪ ഫാ. ഡെൽജോ പുത്തൂ൪ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.