ആനക്കര: പ്രവാസിയെ മ൪ദിച്ച് വധിക്കാൻ ശ്രമിച്ച സംഭവത്തിൽ ഒരാൾ അറസ്റ്റിൽ. തലക്കശ്ശേരി ചാരുപടിക്കൽ നിവാസ് എന്ന നവാസിനെയാണ് (32) തൃത്താല എസ്.ഐ കുമാ൪ അറസ്റ്റു ചെയ്തത്.
കൂട്ടുപ്രതി ലത്തീഫിനെ പിടികൂടാനുണ്ട്. മൂന്നാം പ്രതി അസ്ക൪ സംഭവത്തിന് ദൃക്സാക്ഷിയാണെന്ന് പൊലീസ് പറഞ്ഞു. ആലൂ൪ മണ്ണാട്ടുകുളങ്ങര ബഷീറിനെ (43) പ്രതികൾ മ൪ദിച്ച് കൊലപ്പെടുത്താൻ ശ്രമിച്ചെന്നാണ് കേസ്. സംഭവ ദിവസം പ്രതികളും ബഷീറും ചേ൪ന്ന് പട്ടിത്തറ പഞ്ചായത്ത് ഓഫിസിന് പിറകിലെ ജലസംഭരണിക്ക് സമീപം മദ്യപിക്കുകയും തുട൪ന്ന് ചെക്ക് സംബന്ധിച്ച് വാക്കുത൪ക്കം ഉണ്ടാകുകയും ബഷീറിനെ കിടങ്ങിലേക്ക് തള്ളിയിടുകയുമായിരുന്നുവെന്ന് പ്രതി പൊലീസിന് മൊഴിനൽകി. കോടതിയിൽ ഹാജരാക്കിയ പ്രതിയെ 15 ദിവസത്തേക്ക് റിമാൻഡ്ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.