അടൂ൪: ഐ.എച്ച്.ആ൪.ഡി കലഞ്ഞൂ൪ ടെക്നിക്കൽ ഹയ൪സെക്കൻഡറി സ്കൂൾ നി൪ത്തലാക്കാനുള്ള യു.ഡി.എഫ് സ൪ക്കാറിൻെറ നടപടിക്കെതിരെ എസ്.എഫ്.ഐ, ഡി.വൈ.എഫ്.ഐ സംഘടനകൾ പ്രക്ഷോഭം ആരംഭിക്കും. സ്വകാര്യ വിദ്യാഭ്യാസകച്ചവടക്കാരെ സംരക്ഷിക്കാനാണ് കലഞ്ഞൂരിൽ പ്രവ൪ത്തിക്കുന്ന സ്കൂൾ നി൪ത്തലാക്കുന്നതെന്ന്് സംഘടനാ നേതാക്കൾ ആരോപിച്ചു. ഇവിടെ പ്ളസ് വൺ പ്രവേശത്തിന് അപേക്ഷാഫോം വിതരണം ആരംഭിച്ചിട്ടില്ല. സ്ഥലം എം.എൽ.എ കൂടിയായ റവന്യൂ മന്ത്രി ഇക്കാര്യത്തിൽ നടപടി സ്വീകരിക്കണമെന്ന് അവ൪ ആവശ്യപ്പെട്ടു. ഡി.വൈ.എഫ്.ഐ കലഞ്ഞൂ൪ വില്ലേജ് കമ്മിറ്റി നേതൃത്വത്തിൽ കലഞ്ഞൂ൪ ജങ്ഷനിൽ ഒപ്പുശേഖരണം നടത്തി. ഡി.വൈ.എഫ്.ഐ ജില്ലാ സെക്രട്ടറി ജി. കൃഷ്ണകുമാ൪ ഉദ്ഘാടനം ചെയ്തു. എസ്.എഫ്.ഐ നേതൃത്വത്തിൽ തിങ്കളാഴ്ച കലഞ്ഞൂ൪ ഗ്രാമപഞ്ചായത്തിലെ കാമ്പസുകളിൽ ഒപ്പുശേഖരണം നടത്തും. എസ്.എഫ്.ഐ ജില്ലാ സെക്രട്ടറി കെ. പ്രകാശ് ബാബു ഉദ്ഘാടനം ചെയ്യും. തിങ്കളാഴ്ച കൂടൽ കവലയിൽ വൈകുന്നേരം നാലിന് ഡി.വൈ.എഫ്.ഐ ജില്ലാ പ്രസിഡൻറ ്പി.ആ൪ പ്രദീപ് ഒപ്പുശേഖരണം ഉദ്ഘാടനം ചെയ്യും. ബുധനാഴ്ച വിദ്യാ൪ഥികളുടെയും യുവജനങ്ങളുടെയും നേതൃത്വത്തിൽ സ്കൂളിലേക്ക് നടത്തുന്ന മാ൪ച്ച് ഡി.വൈ.എഫ്.ഐ സംസ്ഥാന സെക്രട്ടറിയേറ്റംഗം കെ. രാജേഷ് ഉദ്ഘാടനം ചെയ്യും. ഡി.വൈ.എഫ്.ഐ കൊടുമൺ ഏരിയ പ്രസിഡൻറ് അഡ്വ. ആ൪.ബി രാജീവ്കുമാ൪, സെക്രട്ടറി എസ്. രാജേഷ്, എസ്.എഫ്.ഐ ഏരിയ പ്രസിഡൻറ് അശ്വിൻ വിഷ്ണുദത്ത്, സെക്രട്ടറി അൻസീ൪ ഷാ എന്നിവ൪ നേതൃത്വം നൽകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.