യെദ്യൂരപ്പയുടെ മകൾക്കും കോവിഡ്

ബംഗളുരു: കർണാടക മുഖ്യമന്ത്രി ബി.എസ് യെദ്യൂരപ്പയുടെ മകൾക്ക് കോവിഡ് സ്ഥിരീകരിച്ചു. രോഗബാധ സ്ഥിരീകരിച്ചതിനെ തുടർന്ന് ഇവരെ ആശുപത്രിയിൽ പ്രവേശിപ്പിച്ചു. മണിപ്പാൽ ആശുപത്രിയിലാണ് പ്രവേശിപ്പിച്ചത്.

മുഖ്യമന്ത്രി യെദ്യൂരപ്പക്ക് ഞായറാഴ്ച കോവിഡ് സ്ഥിരീകരിച്ചിരുന്നു. ട്വീറ്ററിലൂടെ യെദ്യൂരപ്പ തന്നെയാണ് വിവരം വെളിപ്പെടുത്തിയത്. ആരോഗ്യനില തൃപ്തികരമാണ്.അടുത്തിടെ താനുമായി സമ്പര്‍ക്കം പുലര്‍ത്തിയവര്‍ സ്വയം നിരീക്ഷണത്തില്‍ പ്രവേശിക്കാണമെന്നും മുഖ്യമന്ത്രി ട്വിറ്ററിലൂടെ അഭ്യർഥിച്ചു.