അങ്കാറ: ചൈനീസ് കറന്സിയായ യുവാന്െറ മൂല്യം കുറച്ചതും അമേരിക്കന് ഫെഡറല് റിസര്വിന്െറ ആസന്നമായ പലിശ നിരക്ക് ഉയര്ത്തലും ക്ഷണികമാണെന്നും യഥാര്ഥ സമ്പദ്വ്യവസ്ഥ മാത്രമാണ് ഇന്ത്യന് കറന്സിയുടെ ഏറ്റക്കുറച്ചിലുകളെ സ്വാധീനിക്കുകയെന്നും ധനമന്ത്രി അരുണ് ജെയ്റ്റ്ലി. ജി20 രാജ്യങ്ങളിലെ ധനമന്ത്രിമാരുടെയും കേന്ദ്ര ബാങ്ക് ഗവര്ണര്മാരുടെയും യോഗത്തില് പങ്കെടുക്കാനത്തെിയ ജെയ്റ്റ്ലി പി.ടി.ഐക്ക് നല്കിയ അഭിമുഖത്തിലാണ് ഇക്കാര്യം പറഞ്ഞത്.
ഉല്പാദന, സേവന മേഖലകള് കരുത്താര്ജിച്ചതോടെ ഇന്ത്യ ശക്തമായ നിലയിലാണെന്നും വിപണി ചാഞ്ചാട്ടത്തിന് കീഴ്പ്പെടാതെ യാഥാര്ഥ സമ്പദ്വ്യവസ്ഥ ശക്തിപ്പെടുത്താനാണ് സര്ക്കാറിന്െറ ശ്രദ്ധയെന്നും അദ്ദേഹം പറഞ്ഞു.
ക്ഷണികമായ വിപണി ചാഞ്ചാട്ടങ്ങള് കഴിഞ്ഞാല് യഥാര്ഥ സമ്പദ്വ്യവസ്ഥ മാത്രമാണ് നിലനില്ക്കുക. കറന്സി മൂല്യത്തെയും ഓഹരി വിപണിയെയും സ്വാധീനിക്കുന്നതും ഇതുതന്നെയായിരിക്കും.
ചൈന കറന്സിയുടെ മൂല്യം കുറച്ചതിനത്തെുടര്ന്ന് ഇന്ത്യ ഉള്പ്പെടെ രാജ്യങ്ങളില് ഓഹരി വിപണിയിലുണ്ടായ തകര്ച്ചയും ജി20 യോഗത്തില് ചര്ച്ചയായി. മത്സരാധിഷ്ഠിത മൂല്യം കുറക്കലില്നിന്ന് വിട്ടുനില്ക്കാന് യോഗത്തിന്െറ അവസാനം പുറപ്പെടുവിച്ച പ്രസ്താവനയില് അംഗരാജ്യങ്ങളോട് ആഹ്വാനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.