പോപ്പ് ഗായകരായ ജസ്റ്റിൻ ബീബർ-സെലീന ഗോമസ് പ്രണയം വാർത്തകളിലിടം നേടാൻ തുടങ്ങിയിട്ട് കാലമേറെയായി. 2014ൽ ഇരുവരും പിരിഞ്ഞെന്നുള്ള വാർത്തകൾക്ക് ശേഷം പുറത്ത് വരുന്ന സൂചനകൾ ആരാധാകരെ ആവേശത്തിലാഴ്ത്തുകയാണ്. ബീബറിന്‍റെ 24ാം പിറന്നാളിന് സെലീന ഇൻസ്റ്റഗ്രാമിൽ പങ്കുവെച്ച ചിത്രമാണ് ഇരുവരുടെയും പ്രണയം വീണ്ടും മൊട്ടിട്ടെന്നുള്ള സൂചന നൽകുന്നത്. ജെലേന വീണ്ടും എന്നാണ് സെലീനയുടെ ഇൻസ്റ്റാഗ്രം പോസ്റ്റിൽ പറയുന്നത്, ഒപ്പം പോസ്റ്റ് ചെയ്ത ചിത്രത്തിൽ ഇന്നത്തെ ദിനം എനിക്കറിയുന്ന സൂപ്പർ കൂളിന്‍റെ പിറന്നാളാണെന്നും പറയുന്നു.
ജസ്റ്റിൻ ബീബർ സെലീന ഗോമസ് ബന്ധത്തെ ജെലേന എന്ന ഒാമന പേരിലാണ് ഇരുവരുടെയും ആരാധകർ വിളിക്കുന്നത്.എന്നാൽ പോസ്റ്റിൽ ബീബറിനെ മെൻഷൻ ചെയ്യുകയോ, ടാഗ് ചെയ്യുകയോ ചെയ്തിട്ടില്ലെന്നതും ശ്രദ്ധേയമാണ്. സെലീനയുടെ പോസ്റ്റിന് പിന്നാലെ ഗായികയുടെ ഫാൻ അക്കൗണ്ടുകളിലൊന്നിൽ ചിത്രത്തിന്‍റെ വിശദീകരണം വന്നു. സെലീനക്ക് തന്‍റെ പ്രണയം ആരാധകരെ അറിയിക്കാനായിരുന്നു ഇതെന്നാണ് ഫാൻ അക്കൗണ്ട് വിശദീകരണം. ബിൽബോർഡ് മാസികയുടെ വുമൺ ഒാഫ് ദ ഇയർ ആയി തിരഞ്ഞെടുക്കപ്പെട്ട ചടങ്ങിലും ഇരുവരുടെയും ബന്ധം സംബന്ധിച്ച് സെലീന ചില സൂചനകൾ നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.