ന്യൂ ജേഴ്സി: ലണ്ടനിെല സംഗീത പരിപാടിക്കിടെ ഉണ്ടായ വിവാദങ്ങൾ കത്തിനിൽക്കെ എ.ആർ റഹ്മാെൻറ രണ്ടു മണിക്കൂർ നീണ്ട സംഗീത പരിപാടി ന്യൂജേഴ്സിയിെല മെറ്റ്ലൈഫ് സ്റ്റേഡിയത്തിൽ സംഘടിപ്പിച്ചു. ഇന്ത്യൻ സിനിമാ മേഖലയിൽ റഹ്മാൻ 25 വർഷം പൂർത്തിയാക്കിയത് ആഘോഷിക്കാനാണ് പരിപാടി സംഘടിപ്പിച്ചത്.
പരിപാടി സമയം കഴിഞ്ഞ് പുലർച്ചെ രണ്ടു മണിവരെ നീണ്ടിട്ടും പിരിഞ്ഞു പോകാൻ കൂട്ടാക്കാതെ വീണ്ടും വീണ്ടും പാടാൻ വേണ്ടി ആരാധകർ ആവശ്യെപ്പടുകയായിരുന്നു. ഹിന്ദി പാട്ടുകളാടൊപ്പം നാലു തമിഴ് പാട്ടുകളും റഹ്മാൻ പാടി.
റഹ്മാെൻറ പാട്ടു കേൾക്കുന്നതു തന്നെ സുഖകരമാണെന്നും അത് തമിഴ് ആണെന്നതു കൊണ്ട് തങ്ങൾക്ക് പ്രശ്നമില്ലെന്നും പ്രേക്ഷകർ പറഞ്ഞു. സംഗീതത്തിന് ഭാഷ തടസമല്ലെന്ന് ന്യൂജേഴ്സിയിൽ താമസിക്കുന്ന നേപ്പാൾ ദമ്പതികളും അഭിപ്രായപ്പെട്ടു. ഞങ്ങൾ അത് ആസ്വദിക്കാൻ വന്നതാണെന്നും നേപ്പാൾ ദമ്പതിമാർ കൂട്ടിച്ചേർത്തു. ഇൻറർ നാഷണൽ ഇന്ത്യൻ ഫിലം അക്കാദമി അവാർഡ് പരിപാടികളുടെ ഭാഗമായാണ് സംഗീത പരിപാടി സംഘടിപ്പിച്ചത്.
ലണ്ടനിൽ നടന്ന പരിപാടിക്കിടെ ആരാധകർ ഇറങ്ങിപ്പോയ സംഭവത്തിന് മറുപടി പോലെയായിരുന്നു ന്യൂജേഴ്സിലെ സംഗീത പരിപാടി. ലണ്ടൻ വെംബ്ലിയിലെ എസ്.എസ് അറീനയില് ജൂലായ് എട്ടിനാണ് 'നെത്രു, ഇന്ദ്രു, നാലൈ' (tamil for yesterday, today, tomorrow) എന്ന പേരിൽ സംഗീത പരിപാടി സംഘടിപ്പിച്ചത്.
പരിപാടിയിൽ 16 പാട്ടുകൾ റഹ്മാൻ പാടിയിരുന്നു. ഹിന്ദിക്കാരായ ബോളിവുഡ് ആരാധകരായിരുന്നു പ്രേക്ഷകർ. റഹ്മാൻ പാടിയതിൽ നാലെണ്ണം തമിഴ് പാട്ടുകളായി എന്നതാണ് ആരാധകരെ ചൊടിപ്പിച്ചത്.
'റഹ്മാെൻറ സംഗീത പരിപാടി' എന്നാണ് പരസ്യം നൽകിയിരുന്നതെന്നും എന്നാൽ, 'മദ്രാസ് മൊസാര്ട്ട്' എന്ന നിലയിലാണ് പരിപാടി സംഘടിപ്പിച്ചെതന്നുമായിരുന്നു ആരാധകരുടെ പരാതി. തെറ്റായ പരസ്യം നൽകി പറ്റിച്ചതിന് പണം തിരിെക നൽകണമെന്നും ആരാധകർ ആവശ്യപ്പെട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.