ഡാർക്കസ്റ്റ് അവറിലെ ‘‘ഗാരി ഒാൾഡ്മാനും ഷേപ് ഒാഫ് വാട്ടറിലെ ഡഗ് ജോൺസും’’ ഗംഭീര മേക്കോവറിലൂടെ ലോകത്തെ ഞെട്ടിച്ച അഭിനയ പ്രതിഭകൾ. വിൻസ്റ്റൺ ചർച്ചിലായി ഒാൾഡ്മാൻ സെറ്റിൽ വന്ന് നിന്നപ്പോൾ അവിടെയുണ്ടായിരുന്നവർക്കുള്ള അമ്പരപ്പിെൻറ പതിന്മടങ്ങായിരുന്നു ചിത്രം കണ്ട ഒാരോ പ്രേക്ഷകനും. ഒാൾഡ്മാെൻറ തലയാകെ മൂടുന്ന വിധം മേക് അപ്പിനായി ഉപയോഗിച്ചവ കൂട്ടിയിട്ട് തൂക്കി നോക്കിയപ്പോൾ 40 കിലോയോളം തൂക്കമുണ്ടായിരുന്നതായി അണിയറക്കാർ പറയുന്നു. ഡാർക്കസ്റ്റ് അവറിന് വേണ്ടി വിൻസ്റ്റൺ ചർച്ചിലിനെ പുനരുജ്ജീവിപ്പിച്ച ജപ്പാൻ സ്വദേശിയായ കസുഹിറൊ സുജിക്കാണ് ഇത്തവണത്തെ മികച്ച മേക്ക് അപ്പിനുള്ള ഒാസ്കർ.
മനുഷ്യ രൂപത്തിലുള്ള ജലജീവിയെ പ്രണയിക്കുന്ന സ്ത്രീയുടെ കഥ പറഞ്ഞ ഷേപ് ഒാഫ് വാട്ടർ അദ്ഭുതപ്പെടുത്തുന്നത് നായിക സാല്ലി ഹൗകിൻസിെൻറ പ്രകടനവും മനോഹരമായ ദൃശ്യങ്ങളുടെ സംഗമവും കൊണ്ട് മാത്രമായിരുന്നില്ല. മറിച്ച് മാസങ്ങളോളം നിരവധി കലാകാരൻമാരുടെ അധ്വാനത്തിെൻറ ഫലമായി രൂപം കൊണ്ട വിചിത്ര ജലജീവിയുടെ രൂപവും ഭാവവും കൊണ്ട് കൂടിയായിരുന്നു. അതിന് ജീവൻ പകർന്ന ഡഗ് ജോൺസിന് കൂടി അവകാശപ്പെട്ട ഒാസ്കറാണ് പ്രഖ്യാപിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.