ബംഗളൂരു: രാമനഗര സാവൻദുർഗ മലയിൽ ട്രക്കിങ്ങിനിടെ കാണാതായ യുവാവിനെ മരിച്ച നിലയിൽ കണ്ടെത്തി. ബംഗളൂരുവിൽ സ്വകാര്യ സ്ഥാപനത്തിൽ ജോലി ചെയ്യുന്ന ഉത്തർപ്രദേശ് സ്വദേശി ഗഗൻദീപ് സിങ്ങാണ് (30) മരിച്ചത്. കഴിഞ്ഞ ഞായറാഴ്ചയാണ് സുഹൃത്തിനൊപ്പം ഗഗൻദീപ് സിങ് ട്രക്കിങ്ങിനു പോയത്. ട്രക്കിങ്ങിനിടെ ഗഗൻദീപിനെ കാണാതായെന്നാണ് സുഹൃത്ത് നൽകിയ മൊഴി. തുടർന്ന് കഴിഞ്ഞ അഞ്ചു ദിവസമായി പൊലീസും വനംവകുപ്പ് ജീവനക്കാരും നാട്ടുകാരും ചേർന്ന് തിരച്ചിൽ നടത്തിവരുകയായിരുന്നു. കഴിഞ്ഞദിവസം തിരച്ചിലിനിടെ ദുർഗന്ധം വമിക്കുന്ന നിലയിൽ മൃതദേഹം കണ്ടെത്തി. മാഗഡി പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.