ബംഗളൂരു: ഹെബ്ബാൾ ഫ്ലൈഓവറിൽ നിർമാണ പ്രവർത്തനങ്ങൾ നടക്കുന്നതിനാൽ മേയ് 17 മുതൽ ഇരുചക്ര വാഹനങ്ങളൊഴികെയുള്ള വാഹന ഗതാഗതം നിരോധിച്ചു. ഫ്ലൈഓവറിലെ കെ.ആർ പുരം റാമ്പ് അപ്പിലും 14 മുതൽ എല്ലാതരത്തിലുള്ള വാഹന ഗതാഗതവും നിരോധിച്ചിട്ടുണ്ട്. കെ.ആർ പുരം, ഹെന്നൂരു, എച്ച്.ബി.ആർ ലേ ഔട്ട്, ബാനസവാടി, കെ.ജി ഹള്ളി ഭാഗങ്ങളിൽനിന്ന് എയർപോർട്ടിലേക്ക് പോകുന്നവർ ഹെന്നൂരു - ബഗലൂരു റോഡ് ഉപയോഗിക്കണം.
ഗതാഗത നിയന്ത്രണംകെ.ആർ പുരം ഭാഗത്തുനിന്ന് യശ്വന്ത്പുര ഭാഗത്തേക്ക് പോകുന്നവർ ബി.ഇ.എൽ സർക്കിളിൽനിന്ന് ഇടത്തോട്ട് തിരിഞ്ഞ് സദാശിവ പൊലീസ് സ്റ്റേഷൻ ജങ്ഷനിലെത്തി വലത്തോട്ട് തിരിഞ്ഞ് ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് വഴി യശ്വന്ത്പുരയിലേക്ക് പോകണം. ഹെഗ്ഡെനഗർ-തനിസാന്ദ്രയിൽനിന്ന് മേഖരി സർക്കിളിലേക്ക് വരുന്നവർ ജി.കെ.വി.കെ-ജക്കൂർ റോഡും കെ.ആർ പുരം ഭാഗത്തുനിന്ന് നഗരത്തിലേക്ക് വരുന്നവർ നാഗവര-തന്നേരി റോഡ് അല്ലെങ്കിൽ മുകുന്ദ തിയേറ്റർ റോഡ്/ ലിംഗരാജപുര ഫ്ലൈ ഓവർ റൂട്ട് ഉപയോഗിക്കണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.