മംഗളൂരു: കർണാടക കൊങ്കണി സാഹിത്യ അക്കാദമി 2024ലെ ഓണററി, പുസ്തക അവാർഡുകൾ പ്രഖ്യാപിച്ചതായി അക്കാദമി പ്രസിഡന്റ് സ്റ്റാനി അൽവാരെസ് വ്യാഴാഴ്ച വാർത്തസമ്മേളനത്തിൽ അറിയിച്ചു. ഈ മാസം 23ന് മൈസൂരു വിജയനഗറിലെ കൊങ്കണി ഭവനിൽ കർണാടക കൊങ്കണി സാഹിത്യ അക്കാദമിയും മൈസൂരുവിലെ കൊങ്കണി ക്രിസ്ത്യൻ അസോസിയേഷനും ചേർന്ന് സംഘടിപ്പിക്കുന്ന പരിപാടിയിൽ അവാർഡുകൾ സമ്മാനിക്കും.ഓണററി അവാർഡുകൾ: കൊങ്കണി സാഹിത്യം -പാട്രിക് കാമിൽ മോറസ്. കൊങ്കണി കല: ജോയൽ പെരേര, കൊങ്കണി നാടോടി: സോബിന മോതേഷ് കാംബ്രേക്കർ. പുസ്തക അവാർഡുകൾ: ഫെൽസി ലോബോ - പാൽവ പോന്ത് (കവിത), വലേറിയൻ സെക്വിയേര - ഷെതം ബതം തോറ്റാംനി (നോവൽ).
ഓണററി അവാർഡുകൾക്ക് 50,000 രൂപയും പുസ്തക അവാർഡുകൾക്ക് 25,000 രൂപ വീതവുമാണ് സമ്മാനത്തുക. ചാമരാജ നിയോജകമണ്ഡലം എം.എൽ.എ കെ. ഹരീഷ് ഗൗഡ അവാർഡ് ദാന ചടങ്ങ് ഉദ്ഘാടനംചെയ്യും. അക്കാദമി പ്രസിഡന്റ് സ്റ്റാനി അൽവാരെസ് അധ്യക്ഷത വഹിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.