റെ​യി​ല്‍വേ സ്റ്റേ​ഷ​നു​ക​ളി​ല്‍ പ​ഴ​കി​യ ഭ​ക്ഷ​ണം പി​ടി​കൂ​ടി

ബം​ഗ​ളൂ​രു: ക​ര്‍ണാ​ട​ക ഫു​ഡ് സേ​ഫ്റ്റി ആ​ൻ​ഡ് ഡ്ര​ഗ്സ് അ​ഡ്മി​നി​സ്ട്രേ​ഷ​ൻ (കെ.​എ​ഫ്.​എ​സ്.​ഡി.​എ) സം​സ്ഥാ​ന​വ്യാ​പ​ക​മാ​യി ന​ട​ത്തി​യ പ​രി​ശോ​ധ​ന​യി​ൽ റെ​യി​ൽ​വേ സ്റ്റേ​ഷ​ന്‍ പ​രി​സ​ര​ത്ത് നി​ന്നും പ​ഴ​കി​യ ഭ​ക്ഷ​ണ സാ​ധ​ന​ങ്ങ​ളും അ​സം​സ്കൃ​ത വ​സ്തു​ക്ക​ളും പി​ടി​കൂ​ടി. 36 റെ​യി​ൽ​വേ സ്റ്റേ​ഷ​നു​ക​ളും കാ​ന്‍റീ​നു​ക​ൾ, പ്ലാ​റ്റ്‌​ഫോം സ്റ്റാ​ളു​ക​ൾ, ട്രെ​യി​ൻ പാ​ന്‍റി എ​ന്നി​വ​യു​ൾ​പ്പെ​ടെ 112 ഭ​ക്ഷ​ണ സ്ഥാ​പ​ന​ങ്ങ​ളും സം​ഘം പ​രി​ശോ​ധി​ച്ചു. ഭ​ക്ഷ്യ സു​ര​ക്ഷ, സം​ഭ​ര​ണം, ലേ​ബ​ലി​ങ്, ഭ​ക്ഷ​ണം കൈ​കാ​ര്യം ചെ​യ്യു​ന്ന രീ​തി​ക​ൾ എ​ന്നി​വ​യാ​ണ് പ്ര​ധാ​ന​മാ​യും പ​രി​ശോ​ധി​ച്ച​ത്.

ഹാ​വേ​രി റെ​യി​ൽ​വേ സ്റ്റേ​ഷ​നി​ൽ കാ​ലാ​വ​ധി ക​ഴി​ഞ്ഞ തൈ​ര്, പാ​ൽ പാ​ക്ക​റ്റു​ക​ൾ ക​ണ്ടെ​ത്തി. മൈ​സൂ​രു റെ​യി​ൽ​വേ സ്റ്റേ​ഷ​നി​ൽ പ്ലാ​സ്റ്റി​ക് വ​സ്തു​ക്ക​ൾ ഉ​പ​യോ​ഗി​ച്ച് ഇ​ഡ്ഡ​ലി ത​യ്യാ​റാ​ക്കു​താ​യും വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ല്‍ ഹാർ​ഡ്ബോ​ർ​ഡ് പെ​ട്ടി​ക​ളി​ല്‍ സ​മൂ​സ സൂ​ക്ഷി​ച്ചി​രു​ന്ന​തും ഭ​ക്ഷ്യ​യോ​ഗ്യ​മ​ല്ലാ​ത്ത പ്ലാ​സ്റ്റി​ക് ബ​ക്ക​റ്റു​ക​ളി​ൽ ച​ട്ണി സൂ​ക്ഷി​ച്ചെന്നും ക​ണ്ടെ​ത്തി.

കെ.​ആ​ര്‍ പു​രം റെ​യി​ല്‍വേ സ്റ്റേ​ഷ​നി​ലെ ഭ​ക്ഷ​ണ സ്റ്റാ​ളു​ക​ളി​ല്‍ നി​ന്നാ​ണ് ഏ​റ്റ​വു​മ​ധി​കം പ​ഴ​കി​യ ഭ​ക്ഷ​ണ സാ​ധ​ന​ങ്ങ​ള്‍ ക​ണ്ടെ​ത്തി​യ​ത്. പ​ഴ​കി​യ ഇ​ഡ​ലി,സ​മൂ​സ, പൂ​പ്പ​ല്‍ പി​ടി​ച്ച പ​ച്ച​ക്ക​റി​ക​ൾ സൂ ​ക്ഷി​ച്ച​ത് വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ലാ​ണെ​ന്ന് ക​ണ്ടെ​ത്തി. ചി​ല സ്ഥാ​പ​ന​ങ്ങ​ളി​ൽ കാ​ലാ​വ​ധി ക​ഴി​ഞ്ഞ ഭ​ക്ഷ​ണ സാ​ധ​ന​ങ്ങ​ൾ വി​ൽ​പ്പ​ന​ക്കാ​യി സൂ​ക്ഷി​ച്ചി​രു​ന്നു. അ​നു​വ​ദ​നീ​യ​മ​ല്ലാ​ത്ത സി​ന്ത​റ്റി​ക് നി​റ​ങ്ങ​ൾ ജി​ലേ​ബി, ഖോ​വ, പേ​ഡ എ​ന്നി​വ​യി​ല്‍ ഉ​പ​യോ​ഗി​ക്കു​ന്ന​താ​യും വ്യ​ക്ത​മാ​യി.

ഭ​ക്ഷ​ണ പാ​ക്ക​റ്റു​ക​ളി​ൽ ലേ​ബ​ലി​ങ് വി​ശ​ദാം​ശ​ങ്ങ​ൾ ന​ല്‍കി​യി​രു​ന്നി​ല്ല​യെ​ന്നും പ​ല സ്ഥാ​പ​ന​ങ്ങ​ളി​ലും ഭ​ക്ഷ്യ ബി​സി​ന​സ് ര​ജി​സ്ട്രേ​ഷ​ൻ സ​ർ​ട്ടി​ഫി​ക്ക​റ്റു​ക​ൾ പൊ​തു​ജ​ന​ങ്ങ​ള്‍ക്ക് കാ​ണ​ത്ത​ക്ക​വി​ധ​ത്തി​ല്‍ പ്ര​ദ​ർ​ശി​പ്പി​ച്ചി​ട്ടി​ല്ലെ​ന്നും ഫു​ഡ് ഇ​ൻ​സ്പെ​ക്ട​ർ​മാ​ർ ക​ണ്ടെ​ത്തി. മം​ഗ​ളൂ​രു-​കേ​ര​ള, ഹു​ബ്ബ​ള്ളി- ബം​ഗ​ളൂ​രു റൂ​ട്ടു​ക​ളി​ൽ സ​ർ​വി​സ് ന​ട​ത്തു​ന്ന ര​ണ്ട് വ​ന്ദേ ഭാ​ര​ത് ട്രെ​യി​നു​ക​ളി​ൽ ന​ട​ത്തി​യ പ​രി​ശോ​ധ​ന​യി​ൽ പാ​ൻ​ട്രി സൗ​ക​ര്യ​ങ്ങ​ൾ വൃ​ത്തി​യു​ള്ള​തും ശു​ചി​ത്വ​മു​ള്ള​തു​മാ​ണെ​ന്ന് ക​ണ്ടെ​ത്തി.

നി​യ​മം പാ​ലി​ക്കാ​ത്ത ഓ​പ്പ​റേ​റ്റ​ർ​മാ​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കു​ന്ന​തി​നാ​യി പ​രി​ശോ​ധ​ന​യി​ല്‍ ക​ണ്ടെ​ത്തി​യ വി​വ​ര​ങ്ങ​ള്‍ റെ​യി​ൽ​വേ അ​ധി​കാ​രി​ക​ളു​മാ​യും നി​യു​ക്ത ഉ​ദ്യോ​ഗ​സ്ഥ​രു​മാ​യും പ​ങ്കി​ടു​മെ​ന്ന് കെ.​എ​ഫ്.​എ​സ്.​ഡി.​എ അ​ധി​കൃ​ത​ര്‍ അ​റി​യി​ച്ചു

അ​ടു​ത്തി​ടെ ആ​ഢം​ബ​ര ഹോ​ട്ട​ലു​ക​ള്‍, കെ.​എ​ഫ്.​സി, മെ​ക് ഡൊ​ണാ​ള്‍ഡ് തു​ട​ങ്ങി​യി​ട​ങ്ങ​ളി​ലും വ​കു​പ്പ് ഉ​ദ്യോ​ഗ​സ്ഥ​ര്‍ വ്യാ​പ​ക പ​രി​ശോ​ധ​ന ന​ട​ത്തി​യി​രു​ന്നു. നി​ര​വ​ധി പ​ഴ​കി​യ ഉ​ല്‍പ്പ​ങ്ങ​ള്‍ പി​ടി​ച്ചെ​ട​ക്കു​ക​യും ക​ട​യു​യ​ട​മ​ക​ള്‍ക്ക് നോ​ട്ടീ​സ് ന​ല്‍ക​യും ചെ​യ്തി​രു​ന്നു.