കർണാടക ലെജിസ്ലേറ്റീവ് കൗൺസിൽ ഡെപ്യൂട്ടി ചെയർപേഴ്സനായി തെരഞ്ഞെടുക്കപ്പെട്ടു കോൺഗ്രസ് എം.എൽ.സി ഉമാശ്രീ
ബംഗളൂരു: കർണാടക ലെജിസ്ലേറ്റിവ് കൗൺസിൽ ഡെപ്യൂട്ടി ചെയർപേഴ്സനായി കോൺഗ്രസ് എം.എൽ.സി ഉമാശ്രീയെ ചൊവ്വാഴ്ച ഏകകണ്ഠമായി തെരഞ്ഞെടുത്തു. തിങ്കളാഴ്ചയാണ് ഉമാശ്രീ സ്ഥാനത്തേക്ക് നാമനിർദ്ദേശ പത്രിക സമർപ്പിച്ചത്.
2001-ൽ ലെജിസ്ലേറ്റീവ് കൗൺസിലിലേക്ക് നാമനിർദ്ദേശം ചെയ്യപ്പെട്ട അവർ 2007 വരെ സേവനമനുഷ്ഠിച്ചു. 2008-ലെ അസംബ്ലി തെരഞ്ഞെടുപ്പിൽ തെരാഡലിൽ നിന്ന് മത്സരിച്ചെങ്കിലും പരാജയപ്പെട്ടു, 2013-ൽ സീറ്റ് നേടി സിദ്ധരാമയ്യ മന്ത്രിസഭയിൽ മന്ത്രിയായി.
സ്ത്രീ-ശിശു വികസനം, വികലാംഗരുടെ ശാക്തീകരണം, മുതിർന്ന പൗരന്മാരുടെ ക്ഷേമം, കന്നഡ, സാംസ്കാരികം എന്നീ വകുപ്പുകൾ കൈകാര്യം ചെയ്തു. എസ്.എസ്.എൽ.സി വരെ മാത്രമേ പഠിച്ച ഉമാശ്രീ 54-ാം വയസ്സിൽ കർണാടക സ്റ്റേറ്റ് ഓപ്പൺ യൂനിവേഴ്സിറ്റിയിൽ നിന്ന് രാഷ്ട്രമീമാംസയിൽ എം.എസ്.സി ബിരുദം നേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.