ബംഗളൂരു: ദക്ഷിണേന്ത്യൻ സംസ്ഥാനങ്ങളിലെ ടൂറിസം രംഗത്തെ പരിചയപ്പെടുത്തുന്നതിന് ദ്വിദിന ദക്ഷിൺ ഭാരത് ഉത്സവ് ബംഗളൂരുവിൽ സംഘടിപ്പിക്കും. ശനി, ഞായർ ദിവസങ്ങളിൽ ബംഗളൂരു പാലസ് മൈതാനത്ത് നടക്കുന്ന ഉത്സവിൽ ടൂറിസം രംഗത്തെ ബിസിനസ് നിക്ഷേപ സാധ്യതകളും പരിചയപ്പെടുത്തും. കർണാടക ടൂറിസം വകുപ്പും കർണാടക ചേംബർ ഓഫ് കോമേഴ്സ് ആൻഡ് ഇൻഡസ്ട്രിയും (എഫ്.കെ.സി.സി.ഐ) ചേർന്നാണ് മേള സംഘടിപ്പിക്കുന്നത്. മേളയുടെ പ്രചാരണവുമായി ബന്ധപ്പെട്ട് ഇതിനകം കൊച്ചി, മൈസൂരു, ചിക്കമഗളൂരു, ഉഡുപ്പി, ഹൈദരാബാദ്, ചെന്നൈ, വിജയവാഡ എന്നിവിടങ്ങളിൽ എഫ്.കെ.സി.സി.ഐ റോഡ്ഷോ സംഘടിപ്പിച്ചിരുന്നു. കർണാടകക്കു പുറമെ കേരള, ആന്ധ്രപ്രദേശ്, പുതുച്ചേരി, തമിഴ്നാട്, തെലങ്കാന, ലക്ഷദ്വീപ് എന്നിവിടങ്ങളിലെ ടൂറിസം വകുപ്പുകൾ ദക്ഷിൺ ഭാരത് ഉത്സവിൽ പങ്കാളികളാവും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.