മംഗളൂരു: വല്യുപ്പയുടെ വിരൽത്തുമ്പിൽനിന്ന് കുതറിയോടിയ മൂന്ന് വയസ്സുകാരന് കാറിടിച്ച് ദാരുണാന്ത്യം. ചാർമാഡി ഗ്രാമത്തിലെ ബീറ്റിഗെയിലുണ്ടായ ദുരന്തത്തിൽ ഗ്രാമപഞ്ചായത്ത് അംഗം യു.പി.സിദ്ദീഖിന്റെ മകൻ മുഹമ്മദ് ഹരിസിനാണ് മരിച്ചത്. മുത്തച്ഛനോടൊപ്പം ലഘുഭക്ഷണം വാങ്ങാൻ അടുത്തുള്ള കടയിലേക്ക് പോകുകയായിരുന്നു കുട്ടി. തിരികെ വരുന്നതിനിടെ, കുട്ടി മുത്തച്ഛന്റെ കൈവിട്ട് പെട്ടെന്ന് ദേശീയപാത മുറിച്ചുകടന്നു.
ആ നിമിഷം, ചാർമാഡിയിൽനിന്ന് ബെൽത്തങ്ങാടിയിലേക്ക് അതിവേഗത്തിൽ വരുകയായിരുന്ന കാർ കുട്ടിയെ ഇടിച്ചുതെറിപ്പിച്ചു. ഉടൻ പ്രദേശത്തെ ആശുപത്രിയിലെത്തിച്ച് മംഗളൂരുവിലെ ആശുപത്രിയിലേക്ക് മാറ്റിയെങ്കിലും വഴിമധ്യേ മരിച്ചു. ധർമസ്ഥല പൊലീസ് സ്ഥലത്തെത്തി കാർ ഡ്രൈവർക്കെതിരെ കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.