ദേ​ശീ​യ പ​ഞ്ച​ഗു​സ്തി മ​ത്സ​രം; സ്വ​ര്‍ണ നേ​ട്ട​വു​മാ​യി കെ.​വി. ഗി​രീ​ഷ് കു​മാ​ർ ലോ​ക ചാ​മ്പ്യ​ന്‍ഷി​പ്പി​ന്

ബം​ഗ​ളൂ​രു: ബം​ഗ​ളൂ​രു​വി​ൽ ന​ട​ന്ന ദേ​ശീ​യ പ​ഞ്ച​ഗു​സ്തി ചാ​മ്പ്യ​ന്‍ഷി​പ്പി​ൽ ഒ​രു സ്വ​ര്‍ണ മെ​ഡ​ല​ട​ക്കം തി​ള​ക്ക​മാ​ര്‍ന്ന നേ​ട്ട​വു​മാ​യി ബം​ഗ​ളൂ​രു മ​ല​യാ​ളി ലോ​ക പ​ഞ്ച​ഗു​സ്തി ചാ​മ്പ്യ​ന്‍ഷി​പ്പി​ന് യോ​ഗ്യ​ത നേ​ടി. നെ​ക്സ​സ് ശാ​ന്തി​നി​കേ​ത​നി​ൽ ന​ട​ന്ന ദേ​ശീ​യ പ​ഞ്ച​ഗു​സ്തി ചാ​മ്പ്യ​ന്‍ഷി​പ്പി​ലാ​ണ് ക​ണ്ണൂ​ർ പാ​ടി​യോ​ട്ടു​ചാ​ൽ ക​രി​പ്പോ​ട് സ്വ​ദേ​ശി​യും ബം​ഗ​ളൂ​രു​വി​ൽ സ്ഥി​ര​താ​മ​സ​ക്കാ​ര​നു​മാ​യ കെ.​വി. ഗി​രീ​ഷ് കു​മാ​റി​ന്‍റെ നേ​ട്ടം. 12 സം​സ്ഥാ​ന​ങ്ങ​ളി​ൽ നി​ന്നു​ള്ള താ​ര​ങ്ങ​ൾ മ​ത്സ​ര​ത്തി​ൽ പ​ങ്കെ​ടു​ത്തു.

മാ​സ്റ്റേ​ഴ്സ് 70 കി​ലോ (ലെ​ഫ്റ്റ് ഹാ​ൻ​ഡ്) വി​ഭാ​ഗ​ത്തി​ൽ സ്വ​ര്‍ണ​വും മാ​സ്റ്റേ​ഴ്സ് 70 കി​ലോ (റൈ​റ്റ് ഹാ​ന്‍ഡ്) വി​ഭാ​ഗ​ത്തി​ൽ വെ​ള്ളി​യും നേ​ടി​യാ​ണ് തു​ട​ര്‍ച്ച​യാ​യി ദേ​ശീ​യ പ​ഞ്ച​ഗു​സ്തി ചാ​മ്പ്യ​ന്‍ഷി​പ്പി​ൽ ഗി​രീ​ഷ് തി​ള​ങ്ങി​യ​ത്. ബോ​ർ​ഡ് ഓ​ഫ് ക​ൺ​ട്രോ​ൾ ഫോ​ർ ആം ​റെ​സ്‍ലി​ങ് ഇ​ൻ ഇ​ന്ത്യ​യു​ടെ ആ​ഭി​മു​ഖ്യ​ത്തി​ൽ ക​ർ​ണാ​ട​ക ആം ​റെ​സ്‍ലി​ങ് അ​സോ​സി​യേ​ഷ​ന്‍റെ ആ​തി​ഥേ​യ​ത്വ​ത്തി​ലാ​ണ് ദേ​ശീ​യ പ​ഞ്ച​ഗു​സ്തി ചാ​മ്പ്യ​ൻ​ഷി​പ് ന​ട​ന്ന​ത്. വി​ജ​യി​യാ​യ​തോ​ടെ ന​വം​ബ​റി​ൽ അ​സ​ര്‍ബൈ​ജാ​നി​ൽ ന​ട​ക്കു​ന്ന ലോ​ക ചാ​മ്പ്യ​ന്‍ഷി​പ്പി​ൽ പ​ങ്കെ​ടു​ക്കു​ന്ന ഇ​ന്ത്യ​ൻ ടീ​മി​ൽ ഗി​രീ​ഷ്‍കു​മാ​ര്‍ ഇ​ടം നേ​ടി. എ​ന്നാ​ൽ, ലോ​ക​വേ​ദി​യി​​ലെ മ​ത്സ​ര​ത്തി​ന് ചെ​ല​വേ​റെ​യാ​ണെ​ന്ന​തി​നാ​ൽ ഗി​രീ​ഷി​ന്റെ സ്വ​പ്ന​ത്തി​നു മേ​ൽ സാ​മ്പ​ത്തി​ക പ്ര​യാ​സം ക​രി​നി​ഴ​ലാ​യി നി​ൽ​ക്കു​ക​യാ​ണ്.

സ്പോ​ണ്‍സ​ര്‍മാ​രു​ടെ പി​ന്തു​ണ ല​ഭി​ച്ചാ​ലേ മ​ത്സ​ര​ത്തി​ൽ പ​​​ങ്കെ​ടു​ക്കാ​ൻ യാ​ത്ര തി​രി​ക്കാ​നാ​വൂ. തു​ട​ര്‍ച്ച​യാ​യി നാ​ലാം ത​വ​ണ​യാ​ണ് ദേ​ശീ​യ പ​ഞ്ച​ഗു​സ്തി ചാ​മ്പ്യ​ന്‍ഷി​പ്പി​ൽ ഗി​രീ​ഷ്‍കു​മാ​ര്‍ മെ​ഡ​ൽ നേ​ടു​ന്ന​ത്. 2022, 2023 വ​ര്‍ഷ​ങ്ങ​ളി​ലെ ദേ​ശീ​യ പ​ഞ്ച​ഗു​സ്തി ചാ​മ്പ്യ​ന്‍ഷി​പ്പു​ക​ളി​ൽ സ്വ​ര്‍ണ മെ​ഡ​ലു​ക​ളും 2024ൽ ​ര​ണ്ട് വെ​ങ്ക​ല മെ​ഡ​ലു​ക​ളും നേ​ടി​യി​ട്ടു​ണ്ട്. 2023ല്‍ ​മ​ലേ​ഷ്യ​യി​ൽ ന​ട​ന്ന ലോ​ക ചാ​മ്പ്യ​ന്‍ഷി​പ്പി​ൽ അ​ഞ്ചാം സ്ഥാ​ന​വും നേ​ടി. ഇ​ത് ര​ണ്ടാം ത​വ​ണ​യാ​ണ് ഗി​രീ​ഷ് കു​മാ​ര്‍ ലോ​ക ചാ​മ്പ്യ​ൻ​ഷി​പ്പി​ൽ പ​ങ്കെ​ടു​ക്കാ​നൊ​രു​ങ്ങു​ന്ന​ത്.

ക​ണ്ണൂ​ർ താ​യ​മ്പ​ത്ത് നാ​രാ​യ​ണ​ന്‍റെ​യും അ​മൃ​ത​വ​ല്ലി​യു​ടെ​യും മ​ക​നാ​യ ഗി​രീ​ഷ് കു​മാ​ർ ബം​ഗ​ളൂ​രു അ​ൾ​സൂ​രി​ലാ​ണ് താ​മ​സം. ഒ​രു ഫാ​ർ​മ​സ്യൂ​ട്ടി​ക്ക​ൽ ക​മ്പ​നി​യി​ൽ ബി​സി​ന​സ് മാ​നേ​ജ​രാ​യി ജോ​ലി​ചെ​യ്യു​ന്ന ഗി​രീ​ഷ് ക​ഴി​ഞ്ഞ അ​ഞ്ചു വ​ര്‍ഷ​ത്തി​ല​ധി​ക​മാ​യി പ​ഞ്ച​ഗു​സ്തി​യി​ൽ പ​രി​ശീ​ല​നം ന​ട​ത്തു​ന്നു​ണ്ട്. എ​ൻ.​കെ. സൗ​മ്യ​യാ​ണ് ഭാ​ര്യ. ഗീ​താ​ഞ്ജ​ലി, ന​രെ​യ്ൻ മാ​ധ​വ് എ​ന്നി​വ​ർ മ​ക്ക​ളാ​ണ്.