അറസ്റ്റ് ചെയ്യപ്പെട്ട പ്രതികൾ
ബംഗളൂരു: വിജപുര മദീന നഗറിൽ ചൊവ്വാഴ്ച രാത്രി കുറ്റവാളിയായ ബാഗപ്പ ഹുച്ചപ്പ ഹരിജനെ കൊലപ്പെടുത്തിയ കേസിൽ നാലുപേരെ ഗാന്ധി ചൗക്ക് പൊലീസ് അറസ്റ്റ് ചെയ്തു. ചൊവ്വാഴ്ച രാത്രി മദീന നഗറിൽ വെച്ച് കുപ്രസിദ്ധ കുറ്റവാളിയായ ബാഗപ്പ ഹരിജനെ വെട്ടിക്കൊല്ലുകയും വെടിവെക്കുകയും ചെയ്തതായി അറസ്റ്റിലായ പ്രകാശ്, പിന്ത്യ അഗരഖേദ് മെലിനകേരി (25), രാഹുൽ തലകേരി (20), മണികണ്ഠ ദാനകോപ്പ (27) എന്നറിയപ്പെടുന്ന ഗഡിഗെപ്പ, സുദീപ് കാംബ്ലെ (23) എന്നിവർ പൊലീസിനോട് പറഞ്ഞു.
ബാഗപ്പ ഹരിജന്റെ നെഞ്ചിലും കഴുത്തിലും കൈകളിലും ഗുരുതരമായി പരിക്കേറ്റ് സംഭവസ്ഥലത്തുതന്നെ മരിച്ചുവെന്ന് വിജയപുര പൊലീസ് സൂപ്രണ്ട് ലക്ഷ്മൺ നിംബർഗി പറഞ്ഞു. ബാഗപ്പ ഹരിജനെതിരെ അഫ്സൽപുർ പൊലീസ് സ്റ്റേഷനിൽ ഒരു കൊലപാതക കേസും മറ്റു പൊലീസ് സ്റ്റേഷനുകളിൽ ആറ് കൊലപാതക കേസുകളും ഉൾപ്പെടെ പത്തിലധികം കേസുകൾ നിലവിലുണ്ട്.
അറസ്റ്റിലായവരിൽ ഒരാളായ പ്രകാശിന്റെ ബന്ധുവാണ് ബാഗപ്പ ഹരിജൻ. പ്രകാശിന്റെ സഹോദരൻ രവി മെലിനകേരിയുടെ കൊലപാതകം, സ്വത്ത് തർക്കം എന്നിവയുമായി ബന്ധപ്പെട്ടും ഇരുവരും തമ്മിൽ സംഘർഷമുണ്ടായിരുന്നുവെന്ന് എസ്.പി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.