കല്പറ്റ: ബോബി ചെമ്മണൂര് ഇന്റര്നാഷനല് ജ്വല്ലറി ഗ്രൂപ്പിന്െറ സഹകരണത്തോടുകൂടി വയനാട് ജില്ല ഫുട്ബാള് അസോസിയേഷന് നടത്തിയ ജില്ല ബി ഡിവിഷന് ചാമ്പ്യന്ഷിപ്പില് എസ്.കെ.എം.ജെ എഫ്.സി കല്പറ്റ ചാമ്പ്യന്മാരായി. ലീഗ് അടിസ്ഥാനത്തില് നടത്തിയ ടൂര്ണമെന്റില് എസ്.കെ.എം.ജെ എഫ്.സി കല്പറ്റയും ഇലവന് ബ്രദേഴ്സ് മുണ്ടേരിയും തുല്യ പോയന്റുകള് നേടിയെങ്കിലും നറുക്കെടുപ്പിലൂടെ എസ്.കെ.എം.ജെ എഫ്.സിയെ ചാമ്പ്യന്മാരായി പ്രഖ്യാപിക്കുകയായിരുന്നു. അന്തരിച്ച മുന് ഫുട്ബാള് താരം എം.കെ. രവിയുടെ സ്മരണാര്ഥം അദ്ദേഹത്തിന്െറ കുടുംബാംഗങ്ങള് ഏര്പ്പെടുത്തിയ എം.കെ. രവി മെമ്മോറിയല് എവര്റോളിങ് ട്രോഫിക്ക് എസ്.കെ.എം.ജെ എഫ്.സി കല്പറ്റ അര്ഹരായി. രണ്ടാം സ്ഥാനക്കാരായ ഇലവന് ബ്രദേഴ്സ് മുണ്ടേരി അജന്ത സ്റ്റുഡിയോ മാനേജിങ് ഡയറക്ടറുടെ സ്മരണാര്ഥം കുടുംബാംഗങ്ങള് ഏര്പ്പെടുത്തിയ അജന്ത ജോണ് മെമ്മോറിയല് എവറോളിങ് ട്രോഫിക്കും അര്ഹരായി. സമ്മാനദാന ചടങ്ങില് ജില്ല ഫുട്ബാള് അസോസിയേഷന് വൈസ് പ്രസിഡന്റ് ടി.കെ. അനില്കുമാര് അധ്യക്ഷത വഹിച്ചു. ജില്ല പഞ്ചായത്ത് വൈസ് പ്രസിഡന്റ് പി.കെ. അസ്മത്ത് സമ്മാനദാനം നടത്തി. രതീഷ്, ഷഫീഖ് ഹസന്, ജി.എസ്. ബൈജു, കാസിം, മഹമ്മൂദ് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.