വൈത്തിരി: ലക്കിടി ഓറിയന്റല് കോളജില്നിന്ന് യൂനിവേഴ്സിറ്റി കൗണ്സിലിലേക്ക് നിയമവിരുദ്ധമായി രണ്ടു എസ്.എഫ്.ഐ കൗണ്സിലര്മാരെ തെരഞ്ഞെടുത്തയച്ചുവെന്നാരോപിച്ച് കോളജ് വൈസ് പ്രിന്സിപ്പല് ഓഫിസ് എം.എസ്.എഫ് ഉപരോധിച്ചു. കോളജ് യൂനിയന് തെരഞ്ഞെടുപ്പ് നടത്താതെതന്നെ കോളജ് മാനേജമെന്റ് രണ്ടു പ്രതിനിധികളെ ജനാധിപത്യവിരുദ്ധമായ രീതിയില് യൂനിവേഴ്സിറ്റിയിലേക്കയച്ചത് നീതീകരിക്കാനാവാത്തതാണെന്ന് പ്രസിഡന്റ് ലുഖ്മാനുല് ഹക്കീം പറഞ്ഞു. വൈസ് പ്രിന്സിപ്പലിനെ പിന്നീട് വിദ്യാര്ഥികള് പൂട്ടിയിട്ടു. കോളജ് മാനേജ്മെന്റിനെ പ്രതിനിധാനംചെയ്ത് മാനേജിങ് ഡയറക്ടര് എന്.കെ. മുഹമ്മദുമായി നടന്ന ചര്ച്ചയില് വിദ്യാര്ഥികളുടെ പരാതി സ്വീകരിക്കുകയും കൗണ്സിലര്മാരുടെ നോമിനേഷന് റദ്ദുചെയ്യാന് നടപടികള് സ്വീകരിക്കാമെന്ന ഉറപ്പില് സമരം നിര്ത്തുകയുമായിരുന്നു. വൈത്തിരി എസ്.ഐ ജെയിംസ് ജോസഫിന്െറ നേതൃത്വത്തില് വൈത്തിരി പൊലീസ് സ്ഥലത്തു ക്യാമ്പ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.