കൽപറ്റ: സർക്കാർ അധ്യാപകർ നടത്തുന്ന പ്രവേശന പരീക്ഷ പരിശീലനങ്ങൾ പരിശോധിക്കണമെന്ന് കെ.എസ്.യു ജില്ല കമ്മിറ്റി ആവശ്യപ്പെട്ടു. സർക്കാറിൽനിന്ന് ശമ്പളം വാങ്ങുന്ന അധ്യാപകർ സ്വകാര്യ ട്യൂഷനുകൾ നടത്തരുതെന്ന ഉത്തരവ് നിലനിൽക്കെയാണ് ഇത്തരം പരിശീലനങ്ങൾ. സ്കൂളുകളിൽ അധ്യാപകർ സൗജന്യമായി പരിശീലനം നൽകുന്നതിനോട് കെ.എസ്.യുവിന് എതിർപ്പില്ല. എന്നാൽ, വിദ്യാർഥികളോട് ഫീസ് ഇൗടാക്കിയുള്ള പരിശീലനങ്ങൾ അംഗീകരിക്കില്ല. അത്തരം പരിശീലനം ശ്രദ്ധയിൽപെട്ടാൽ സ്കൂളുകൾക്കും അധ്യാപകർക്കുമെതിരെ സമരപരിപാടികൾ ശക്തമാക്കും. ജില്ല പ്രസിഡൻറ് അമൽ ജോയ് അധ്യക്ഷത വഹിച്ചു. അജിൽ ജെയിംസ്, ആഗിൻ ടോം, നിഖിൽ തോമസ്, അമൽ പങ്കജാക്ഷൻ, സി.കെ. അരുൺ, സി.എം. ഷൈജിത്, എം. അജിത്, കെ.ആർ. ഗായോസ്, ഒ.എസ്. സൂരജ്, സി.ബി. സുശോബ്, ജസ്റ്റിൻ പോൾ, ബിനു മാത്യു, യൂനുസ് അലി, ശ്രീഹരി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.