കല്പറ്റ: വോട്ട് വിവരങ്ങള് വിരല്തുമ്പില് ലഭ്യമാക്കി തെരഞ്ഞെടുപ്പ് കമീഷന്െറ മൊബൈല് ആപ്ളിക്കേഷന്. ‘ഇ വോട്ടര് കേരള’ എന്ന ഈ മൊബൈല് ആപ്പിലൂടെ നിയമസഭാ തെരഞ്ഞെടുപ്പിന്െറ വിവരങ്ങള് ലഭ്യമാവും. വോട്ടര് പട്ടിക, പോളിങ് സ്റ്റേഷന്, സ്ഥാനാര്ഥികളെക്കുറിച്ചും മണ്ഡലങ്ങളിലെ വോട്ടര്മാരെക്കുറിച്ചുമുള്ള വിവരങ്ങള്, തെരഞ്ഞെടുപ്പ് സംബന്ധമായ പരാതി നല്കാനുള്ള സംവിധാനം എന്നിവ ഈ ആപ്പിലുണ്ട്. ഫോട്ടോ പതിച്ച തെരഞ്ഞെടുപ്പ് തിരിച്ചറിയല് കാര്ഡിന്െറ നമ്പര്, ജില്ല, പേര്, വീട്ടുപേര് തുടങ്ങിയവ നല്കി വോട്ടര് പട്ടികയില് തിരയാം. ആപ്പിലൂടെ ഗൂഗിള് മാപ്പ് ഉപയോഗിച്ച് പോളിങ് ബൂത്തിന്െറ സ്ഥാനം കണ്ടുപിടിക്കാം. ആദ്യം വോട്ടര്പട്ടികയില് പേര് നല്കി തിരഞ്ഞശേഷം സ്ഥലം കണ്ടുപിടിക്കാനുള്ള ലൊക്കേറ്റ് ബട്ടണ് തൊട്ടാല് ഗൂഗിള് മാപ്പിലൂടെ പോളിങ് ബൂത്ത് കണ്ടുപിടിക്കാം. സ്ഥാനാര്ഥികളെ അറിയുക എന്നതില് ഓരോ ജില്ലയും മണ്ഡലവും തെരഞ്ഞെടുത്ത് ഒരോ സ്ഥാനാര്ഥികളുടെയും വിവരം ലഭിക്കും. മുഴുവന് സ്ഥാനാര്ഥികളും സമര്പ്പിച്ച നാമനിര്ദേശ പത്രികയുടെയും സത്യവാങ്മൂലത്തിന്െറയും വിവരങ്ങളും ഈ വിഭാഗത്തിലുണ്ട്. സത്യവാങ്മൂലം ഇതില്നിന്ന് ഡൗണ്ലോഡ് ചെയ്തെടുക്കാനും കഴിയും. ഓരോ നിയോജകമണ്ഡലത്തിന്െറയും വിവരങ്ങളും ആപ്പിലൂടെ കിട്ടും. ജില്ലയും മണ്ഡലവും നല്കിയാല് ആകെ പുരുഷ വോട്ടര്മാര്, സ്ത്രീ വോട്ടര്മാര്, ആകെ വോട്ടര്മാര്, ആകെ ബൂത്തുകള് എന്നീ വിവരങ്ങള് ഇതിലുണ്ട്. വിവിധ ജില്ലകളുടെ വിഡിയോ, കേരളത്തിലെ വോട്ടര്മാരുടെ മണ്ഡലം തിരിച്ചുള്ള കണക്ക് തുടങ്ങിയവയും ആപ്പിലുണ്ട്. തെരഞ്ഞെടുപ്പ് സംബന്ധിച്ച് പരാതിയുണ്ടെങ്കില് അത് നല്കാനുള്ള സംവിധാനവും ആപ്പിലുണ്ട്. പരാതി നല്കിക്കഴിഞ്ഞാല് അതിന്െറ ഇപ്പോഴത്തെ നില എന്തെന്നും അറിയാന് കഴിയും. പരാതി നല്കുന്ന സംവിധാനം സുതാര്യമാവാനും സമയനിബദ്ധമായി കൈകാര്യംചെയ്യാനും ഇത് സഹായകമാവുന്നു. ഗൂഗിള് പ്ളേ സ്റ്റോറില്നിന്ന് ‘ഇ വോട്ടര് കേരള’ എന്ന് സെര്ച് ചെയ്ത് ആപ്പ് ഡൗണ്ലോഡ് ചെയ്യാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.