സുല്ത്താന് ബത്തേരി: നഗരത്തിലെ ഗതാഗതക്കുരുക്കും അനധികൃത പാര്ക്കിങ്ങും പരിശോധിച്ച് നടപടി എടുക്കാന് മുനിസിപ്പാലിറ്റിയില് ചേര്ന്ന ട്രാഫിക് അഡൈ്വസറി യോഗം തീരുമാനിച്ചു. ഇതിനായി നഗരസഭാ ചെയര്മാന് സി.കെ. സഹദേവന് ചെയര്മാനായി സബ് കമ്മിറ്റിക്ക് രൂപം നല്കി. രാഷ്ട്രീയ പാര്ട്ടി നേതാക്കളും ട്രേഡ് യൂനിയന് നേതാക്കളും വ്യാപാരി പ്രതിനിധികളും ഉദ്യോഗസ്ഥരും അടങ്ങുന്നതാണ് കമ്മിറ്റി. ആഗസ്റ്റ് രണ്ടിന് കമ്മിറ്റിയുടെ നേതൃത്വത്തില് ടൗണില് പരിശോധന നടത്തും. തുടര്ന്നായിരിക്കും ടൗണില് നടപ്പില് വരുത്തേണ്ട ട്രാഫിക് പരിഷ്കരണങ്ങളെക്കുറിച്ച് അന്തിമമായ തീരുമാനമെടുക്കുക. പഴയ ബസ്സ്റ്റാന്ഡിലും ചുങ്കത്തും ബത്തേരി-കല്പറ്റ, ബത്തേരി-മാനന്തവാടി റൂട്ടിലോടുന്ന ബസുകള് രണ്ടു മിനിറ്റ് മാത്രമേ നിര്ത്തിയിടാന് പാടുള്ളൂ. ലോറികള് നിര്ത്തിയിടുന്നതിന് ഗീതാഞ്ജലി പമ്പിന് സമീപത്ത് ആവശ്യമായ ക്രമീകരണങ്ങള് ഒരുക്കുന്നതിന് പി.ഡബ്ള്യു.ഡിയെ ചുമതലപ്പെടുത്തി. നഗരത്തിലെ ഓട്ടോറിക്ഷകളുടെ പാര്ക്കിങ് പരിശോധിച്ച് ആവശ്യമായ പരിഷ്കാരങ്ങള് വരുത്തും. ആഗസ്റ്റ് 15ഓടെ പുതിയ ട്രാഫിക് അഡൈ്വസറി കമ്മിറ്റി രൂപവത്കരിക്കും. മുനിസിപ്പല് ചെയര്മാന് അധ്യക്ഷത വഹിച്ചു. സ്റ്റാന്ഡിങ് കമ്മിറ്റി ചെയര്മാന്മാര്, കൗണ്സിലര്മാര്, രാഷ്ട്രീയ പാര്ട്ടി പ്രതിനിധികള്, വിവിധ വകുപ്പ് ഉദ്യോഗസ്ഥര് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.