മാനന്തവാടി: നഗരസഭ കേരളോത്സവം ഡിസംബര് ഒന്നുമുതല് അഞ്ചുവരെ നടക്കുമെന്ന് നഗരസഭ ചെയര്മാന് വി.ആര്. പ്രവീജ് വാര്ത്താസമ്മേളനത്തില് അറിയിച്ചു. ഒന്നിന് രാവിലെ ഏഴുമണിക്ക് കൊയിലേരി പാലത്തില്നിന്ന് ക്രോസ്കണ്ട്രി മത്സരങ്ങള് ആരംഭിക്കും. രാവിലെ ഒമ്പതുമണിക്ക് മാനന്തവാടി ഗവ. ഹൈസ്കൂളില് ക്രിക്കറ്റ്, ആര്ച്ചറി മത്സരങ്ങളും കോട്ടക്കുന്നില് വോളിബാള് മത്സരങ്ങളും നടക്കും. രണ്ടിന് രാവിലെ ഒമ്പതുമണിക്ക് ഡയാന ഇന്ഡോര് സ്റ്റേഡിയത്തില് ബാഡ്മിന്റണ്, പഞ്ചഗുസ്തി, ചെസ് മത്സരങ്ങളും മാനന്തവാടി ഹൈസ്കൂളില് ഫുട്ബാള് മത്സരങ്ങളും നടക്കും. കലാമത്സരങ്ങള്ക്ക് മൂന്നിന് രാവിലെ ഒമ്പതുമണി മുതല് ഗവ. യു.പി സ്കൂള് വേദിയാവും. നാലിന് രാവിലെ ഒമ്പതുമണി മുതല് മാനന്തവാടി ഹൈസ്കൂളില് കായികമത്സരങ്ങള്, കബഡി, വടംവലി മത്സരങ്ങള്, അഞ്ചിന് വൈകുന്നേരം മൂന്നുമണിക്ക് സാംസ്കാരിക ഘോഷയാത്ര. തുടര്ന്ന് നടക്കുന്ന സമാപനസമ്മേളനം ഒ.ആര്. കേളു എം.എല്.എ ഉദ്ഘാടനം ചെയ്യും. കരിവെള്ളൂര് മുരളി മുഖ്യപ്രഭാഷണവും വൈസ് ചെയര്പേഴ്സന് പ്രതിഭ ശശി സമ്മാനദാനവും നിര്വഹിക്കും. വാര്ത്താസമ്മേളനത്തില് കൗണ്സിലര്മാരായ വര്ഗീസ് ജോര്ജ്, ജേക്കബ് സെബാസ്റ്റ്യന്, പി.വി. ജോര്ജ്, സീമന്ദിനി സുരേഷ്, ഹുസൈന് കുഴിനിലം എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.