സുല്ത്താന് ബത്തേരി: സംസ്ഥാന ചെറുകിട വ്യവസായ അസോസിയേഷന് (കെ.എസ്.എസ്.ഐ.എ) ജില്ലാ ജനറല് ബോഡിയും എം.എല്.എമാര്ക്ക് സ്വീകരണവും നടത്തുമെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു. ബുധനാഴ്ച രാവിലെ പത്തിന് ബത്തേരി ലയണ്സ് ക്ളബ് ഓഡിറ്റോറിയത്തിലാണ് പരിപാടി. ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി ഉദ്ഘാടനം ചെയ്യും. എം.എല്.എമാരായ ഐ.സി. ബാലകൃഷ്ണനെ ജില്ലാ പ്രസിഡന്റ് ഡോ. വി. സത്യാനന്ദന് നായരും സി.കെ. ശശീന്ദ്രനെ ജില്ലാ സെക്രട്ടറി എ. ഭാസ്കരനും ഒ.ആര്. കേളുവിനെ ജില്ലാ വൈസ് പ്രസിഡന്റ് ടി.എ. ഫ്രാന്സീസും പൊന്നാട അണിയിക്കും. രോഹിണി എന്ജിനീയറിങ് കമ്പനി ഉടമയായിരുന്ന എസ്. ഗണേശനുള്ള മരണാനന്തര ആനുകൂല്യ വിതരണം സംസ്ഥാന ചെയര്മാന് ദാമോദര് അവനൂര് നിര്വഹിക്കും. ജില്ലയിലെ മികച്ച പുരുഷ വ്യവസായി വി.എല്. അജയകുമാറിനും സ്ത്രീ വ്യവസായി ഉഷാഭായിക്കുമുള്ള അവാര്ഡ് മുനിസിപ്പല് ചെയര്മാന് സി.കെ. സഹദേവന് വിതരണം ചെയ്യും. ഡോ. വി. സത്യാനന്ദന് നായര്, എ. ഭാസ്കരന്, പി.ഡി. സുരേഷ് കുമാര്, കെ.ജി. തങ്കപ്പന് എന്നിവര് വാര്ത്താ സമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.