കോറോം: പാലേരി ഗ്രാമത്തിലെ ആദ്യ എം.ബി.ബി.എസ് ഡോക്ടര് വള്ളിക്കാട്ടില് വി.പി. അനുമോള്ക്ക് ഇടവകയുടെ അനുമോദനം. സാധാരണ കുടുംബാംഗമായ അനുമോള് മെറിറ്റിലൂടെയാണ് എം.ബി.ബി.എസ് പ്രവേശം നേടിയത്. ആലപ്പുഴ മെഡിക്കല് കോളജില്നിന്നാണ് കോഴ്സ് പൂര്ത്തീകരിച്ചത്. കോറോം സെന്റ് മേരീസ് യാക്കോബായ സുറിയാനി പള്ളി നടത്തിയ അനുമോദനയോഗം സണ്ഡേ സ്കൂള് മാനന്തവാടി മേഖല ഇന്സ്പെക്ടര് ജോണ് ബേബി ഉദ്ഘാടനം ചെയ്തു. വികാരി ഫാ. അജു ചാക്കോ അധ്യക്ഷത വഹിച്ചു. ജ്യോതിര്ഗമയ പദ്ധതി കോഓഡിനേറ്റര് കെ.എം. ഷിനോജ്, ട്രസ്റ്റി അബ്രഹാം തൊട്ടിയില്, ടി.വി. സുനില്, പി.പി. ബിജു, റീജ ചിറക്കല്, ഷിജു പാട്ടുപാളയില്, പി.വി. ജിന്സണ് എന്നിവര് സംസാരിച്ചു. മഹാരാഷ്ട്രയില് നടന്ന ദേശീയ വടംവലി മത്സരത്തില് ജേതാക്കളായ ജിന്ഷ ബെന്നി, അനഘ ജോസ് എന്നിവരെയും ആദരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.