കണ്ണൂർ: മന്ത്രി ജലീലിൻെറ ഉന്നതവിദ്യാഭ്യാസ മേഖലയിലെ അനധികൃത ഇടപെടലുകളെക്കുറിച്ച് സമഗ്ര അന്വേഷണം വേണമെന്ന് െക .സി. ജോസഫ് എം.എൽ.എ ആവശ്യപ്പെട്ടു. കേരള പ്രൈവറ്റ് കോളജ് ടീച്ചേഴ്സ് അസോസിയേഷൻ (കെ.പി.സി.ടി.എ) സംസ്ഥാന നേതൃപരിശീലന ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. മന്ത്രി കെ.ടി. ജലീലിൻെറ നടപടി സംസ്ഥാനത്തെ വിദ്യാഭ്യാസ മേഖലയെ ചരിത്രത്തിൻെറ മോശം കാലഘട്ടത്തിലേക്ക് എത്തിച്ചിരിക്കുകയാണെന്നും എം.എൽ.എ ആരോപിച്ചു. കെ.പി.സി.ടി.എ സംസ്ഥാന പ്രസിഡൻറ് ഡോ. യു. അബ്ദുൽ കലാം അധ്യക്ഷത വഹിച്ചു. ഐ.എൻ.ടി.യു.സി ദേശീയ സെക്രട്ടറി കെ. സുരേന്ദ്രന്, കണ്ണൂര് സര്വകലാശാല മുന് വി.സി ഡോ. ഖാദർ മാങ്ങാട്, ഡോ. ജയചന്ദ്രന് കീഴോത്ത്, മാര്ട്ടിൻ ജോര്ജ്്, റിജില് മാക്കുറ്റി, ഡോ. കെ. ഗംഗാധരന്, ഡോ. പി. രാജീവന്, ഡോ. കെ. ജോബി തോമസ്, ഡോ. വി.ടി.വി. മോഹനന് എന്നിവർ സംസാരിച്ചു. സംഘടന സെഷൻ സണ്ണി ജോസഫ് എം.എൽ.എ ഉദ്ഘാടനം ചെയ്തു. ഡോ. പ്രേമചന്ദ്രൻ കീഴോത്ത് അധ്യക്ഷത വഹിച്ചു. പ്രഫ. കെ. രവീന്ദ്രനാഥ് മുഖ്യപ്രഭാഷണം നടത്തി. ക്യാമ്പ് ഞായറാഴ്ച സമാപിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.