തിരുവനന്തപുരം: കേന്ദ്ര ബജറ്റിലെ കേരളത്തോടുള്ള അവഗണനക്കെതിരെയും ബി.ജെ.പി സർക്കാറിൻെറ ജനവിരുദ്ധ നയങ്ങൾക്കെതിരെയും എൽ.ഡി.എഫ് ജില്ല കമ്മിറ്റി ചൊവ്വാഴ്ച രാജ്ഭവൻ മാർച്ച് നടക്കും. പൊതുമേഖല സ്ഥാപനങ്ങളുടെ ഓഹരികൾ സ്വകാര്യമേഖലക്ക് വിറ്റഴിക്കാനുള്ള ശ്രമം ഉപേക്ഷിക്കുക, കോർപറേറ്റുകളെ പ്രീണിപ്പിക്കുന്ന കേന്ദ്രസർക്കാർ നയം തിരുത്തുക, ദേശീയ തൊഴിലുറപ്പ് പദ്ധതി അട്ടിമറിക്കാനുള്ള നീക്കം അവസാനിപ്പിക്കുക തുടങ്ങിയവയും മാർച്ചിൽ ഉയർത്തും. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ ഉദ്ഘാടനം ചെയ്യും. രാവിലെ 10ന് മ്യൂസിയം ജങ്ഷനിൽ നിന്നാണ് മാർച്ച് ആരംഭിക്കുകയെന്ന് സി.പി.എം ജില്ല സെക്രട്ടറി ആനാവൂർ നാഗപ്പനും എസ്. ഫിറോസ്ലാലും അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.