പേരൂര്ക്കട: കനത്ത കാറ്റിലും മഴയിലും മരം കടപുഴകി. പേരൂര്ക്കട ജില്ല മാതൃക ആശുപത്രിയുടെ മതിലിനോട് ചേര്ന്ന് റോഡരികില് നിന്നിരുന്ന തണല് വൃക്ഷമാണ് കടപുഴകിയത്. തിങ്കളാഴ്ച വൈകുന്നേരം പെയ്ത കനത്ത മഴയിലും കാറ്റിലുമായിരുന്നു സംഭവം. റോഡിൻെറ വശത്തുനിന്ന മരം മറിഞ്ഞുവീണ് എതിര്വശത്തെ കടക്ക് നേരിയ നാശനഷ്ടമുണ്ടായെങ്കിലും ആള്ക്കാര്ക്ക് പരിക്കില്ല. മരം വീണതോടെ പേരൂര്ക്കട ഊളന്പാറ റോഡില് വാഹന ഗതാഗതം പൂര്ണമായും തടസ്സപ്പെട്ടു. വിവരം അറിയിച്ചതിനെ തുടര്ന്ന് സ്ഥലത്തെത്തിയ ഫയര്ഫോഴ്സ് അധികൃതര് മരം മുറിച്ചുമാറ്റി. വൈകുന്നേരം ആറരയോടെ ഗതാഗതം പുനഃസ്ഥാപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.