മലപ്പുറം: വയനാട് ലോക്സഭ മണ്ഡലത്തിലെ വോട്ടര്മാര്ക്ക് നന്ദി രേഖപ്പെടുത്താൻ എ.ഐ.സി.സി അധ്യക്ഷന് രാഹുൽ ഗാന്ധി ജൂണ് ഏഴിന് മലപ്പുറം ജില്ലയിലെത്തും. വെള്ളിയാഴ്ച ഉച്ചക്ക് ഒന്നിന് കരിപ്പൂര് വിമാനത്താവളത്തിലെത്തുന്ന രാഹുൽ ഗാന്ധിയെ മുതിര്ന്ന യു.ഡി.എഫ് നേതാക്കള് ചേര്ന്ന് സ്വീകരിക്കും. തുടര്ന്ന് വണ്ടൂര് നിയോജക മണ്ഡലത്തിലെ കാളികാവില് വൈകുന്നേരം മൂന്നിന് പ്രവര്ത്തകരെ കാണും. നാലിന് നിലമ്പൂര്, അഞ്ചിന് എടവണ്ണ, ആറിന് അരീക്കോട്, ഏഴിന് മുക്കം, 7.30ന് ഈങ്ങാപ്പുഴ എന്നിവിടങ്ങളിൽ സന്ദർശനം നടത്തും. ജൂണ് എട്ടിന് വയനാട് ജില്ലയിലെ പുല്പ്പള്ളി, ബത്തേരി, കല്പ്പറ്റ, കമ്പളക്കാട്, മാനന്തവാടി എന്നിവിടങ്ങളിലെ പരിപാടികളിൽ പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.