തിരുവനന്തപുരം: സംഘ്പരിവാറിനെ അധികാരത്തിൽനിന്ന് പുറത്താക്കാൻ ഇടതുപക്ഷം രാഹുൽ ഗാന്ധിയുടെ നേതൃത്വത്തിലെ യു.പി.എക്ക് പിന്തുണ നൽകണമെന്ന് വെൽഫെയർ പാർട്ടി ജില്ല ട്രഷറർ എം. ഖുത്തുബ്. നാവായിക്കുളം പഞ്ചായത്തിലെ തോളൂരിൽ വെൽഫെയർ പാർട്ടി സംഘടിപ്പിച്ച കുടുംബസംഗമം ഉദ്ഘാടനം ചെയ്യുകയായിരുന്നു അദ്ദേഹം. മന്ത്രിസഭയുണ്ടാക്കാൻ പ്രസിഡൻറ് രാംനാഥ് ഗോവിന്ദ് ഏറ്റവും വലിയ ഒറ്റക്കക്ഷിയെ വിളിക്കുമ്പോൾ രാഹുൽ ഗാന്ധിക്ക് പിന്നിൽ കോൺഗ്രസ് എം.പിമാരുടെ എണ്ണം വർധിക്കണം. അതിനാൽ തെരഞ്ഞെടുപ്പിന് മുമ്പ് സഖ്യം ഉണ്ടാകണം. രാജ്യം നേരിടുന്ന പ്രതിസന്ധിഘട്ടത്തിൽ ഇടതുപക്ഷം കാഴ്ചക്കാരായി നോക്കിനിൽക്കരുതെന്നും അദ്ദേഹം പറഞ്ഞു. വർക്കല മണ്ഡലം പ്രസിഡൻറ് എ.കെ. നാസർ അധ്യക്ഷതവഹിച്ചു. യു.ഡി.എഫ് പ്രചാരണവിഭാഗം ചെയർമാൻ അസ്ബർ, മുൻ പഞ്ചായത്ത് അംഗം അബ്ദുൽ ജലീൽ, പീപ്ൾസ് ഫൗണ്ടേഷൻ കോഒാഡിനേറ്റർ എം.എസ്.കെ. തങ്ങൾ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.