കഴക്കൂട്ടം: കഴക്കൂട്ടം മേൽപാലം നിർമാണത്തോടനുബന്ധിച്ച് വരും ദിവസങ്ങളിൽ ട്രാഫിക് നിയന്ത്രണം ഏർപ്പെടുത്തും. ഇത ുമായി ബന്ധപ്പെട്ട് കഴിഞ്ഞ ദിവസം നോർത്ത് ട്രാഫിക് എ.സി സിമ്പി ജോർജ്, സൗത്ത് ട്രാഫിക് എ.സി ജോർജ് കോശി, കഴക്കൂട്ടം സൈബർ സിറ്റി പൊലീസ് കമീഷണർ വിദ്യാധരൻ, സി.ഐ അൻവർ, ദേശീയപാത ഉദ്യോഗസ്ഥർ എന്നിവരുടെ നേതൃത്വത്തിൽ സ്ഥലം സന്ദർശിച്ചു. കലക്ടറുടെ ഉത്തരവ് വന്നാൽ ട്രാഫിക് നിയന്ത്രണം താമസിയാതെ പ്രാബല്യത്തിൽ വരും. 2.7 കിലോമീറ്റർ ദൈർഘ്യത്തിലാണ് മേൽപാലം നിർമിക്കുന്നത്. ഇതിൻെറ പ്രാരംഭ പ്രവർത്തനങ്ങളെല്ലാം പൂർത്തിയായി. ടെക്നോപാർക്കിന് സമീപത്തുനിന്നും പാലത്തിനുള്ള കോൺഗ്രീറ്റ് തൂണു നിർമിക്കുന്നതിനുള്ള പൈലിങ് തുടങ്ങിക്കഴിഞ്ഞു. കഴക്കൂട്ടം ബൈപാസ് ജങ്ഷൻ വരെയുള്ള കോൺക്രീറ്റ് തൂണുകളുടെ നിർമാണം പൂർത്തിയാക്കിയതിനു ശേഷമാണ് ഇവിടെനിന്ന് ദേശീയപാതയിൽ വിജയ ബാങ്ക് വരെ മേൽപാലത്തിൻെറ നിർമാണം തുടങ്ങുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.