തിരുവനന്തപുരം: ഐ.എന്.ടി.യു.സി സംസ്ഥാന ജനറല് സെക്രട്ടറിയും വൈസ് പ്രസിഡൻറുമായി പ്രവര്ത്തിച്ചിട്ടുള്ള പ്രമുഖ ട്രേഡ് യൂനിയന് നേതാവ് ആര്.എം. പരമേശ്വരനെ ഐ.എന്.ടി.യു.സി ദേശീയ ഓര്ഗനൈസിങ് സെക്രട്ടറിയായി തെരഞ്ഞെടുത്തു. റായ്പൂരില് ചേര്ന്ന ഐ.എന്.ടി.യു.സി അഖിലേന്ത്യ കോണ്ഫറന്സിലാണ് തെരഞ്ഞെടുത്തത്. 30 വര്ഷത്തിലധികം എറണാകുളം-അങ്കമാലി-ആലുവ-പെരുമ്പാവൂര് തുടങ്ങിയ വ്യവസായ മേഖലകളിലും മറ്റു തൊഴില് മേഖലകളിലും ഉള്ള ബഹുഭൂരിപക്ഷം വ്യവസായ സ്ഥാപനങ്ങളുടെയും യൂനിയന് നേതാവായിരുന്നു അദ്ദേഹം. ചാലക്കുടി റിഫ്രാക്ടറീസ് ലിമിറ്റഡിെൻറ ചെയര്മാന്, മിനിമം വേജസ് അഡ്വൈസറി ബോര്ഡ് മെംബര്, കേരള സ്പോര്ട്സ് കൗണ്സില് മെംബര്, കെ.എസ്.ആര്.ടി.സി അഡ്വൈസറി ബോർഡ് മെംബര്, ടെലിഫോണ് അഡ്വൈസറി ബോര്ഡ് മെംബര് തുടങ്ങിയ വിവിധ കേന്ദ്ര-സംസ്ഥാന സ്ഥാപനങ്ങളില് ഔദ്യോഗികമായും പ്രവര്ത്തിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.