തിരുവനന്തപുരം: സി.ബി.എസ്.ഇ സിലബസിൽനിന്ന് മാറുമറയ്ക്കൽ സമരം ഉൾെപ്പടെയുള്ള പാഠഭാഗങ്ങൾ ഒഴിവാക്കിയെന്ന പ്രചാരണം തെറ്റാണെന്ന് ബി.ജെ.പി മുൻ സംസ്ഥാന അധ്യക്ഷൻ കുമ്മനം രാജശേഖരൻ. പാഠപുസ്തകങ്ങളുടെ വലുപ്പം കുറക്കണമെന്ന ആവശ്യത്തെ തുടർന്ന് വിദഗ്ധ സമിതിയാണ് ചില പാഠഭാഗങ്ങൾ അച്ചടിക്കുന്നതിൽനിന്ന് ഒഴിവാക്കിയത്. ഇത് പുസ്തകങ്ങളുടെ ഭാരം കുറക്കുന്നതിന് വേണ്ടിയായിരുന്നു. അച്ചടിക്കാത്ത പാഠഭാഗങ്ങൾ ക്യു. ആർ കോഡായി പുസ്തകത്തിൽ തന്നെ ഉൾപ്പെടുത്തിയിട്ടുമുണ്ട്. പുസ്തകത്തിൽ അച്ചടിച്ചിട്ടില്ല എന്നതിനർഥം അവ പഠിപ്പിക്കേണ്ടതില്ല എന്നല്ല. ഇതുമായി ബന്ധപ്പെട്ട തീരുമാനം കൈക്കൊണ്ടത് എൻ.സി.ഇ.ആർ.ടിയുടെ വിദഗ്ധ സമിതിയാണ്. പാഠഭാഗങ്ങൾ ക്യു.ആർ കോഡായല്ല അച്ചടിച്ചുതന്നെ വേണമെന്ന് കേരള സർക്കാറിന് അഭിപ്രായമുണ്ടെങ്കിൽ അക്കാര്യം എൻ.സി.ഇ.ആർ.ടി.ഇയോട് ആവശ്യപ്പെടണം. അല്ലാതെ വ്യാജ പ്രചാരണം നടത്തുകയല്ല വേണ്ടതെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.