നേമം: മിന്നുന്ന വേഷങ്ങളും തൊപ്പികളുമായി കുട്ടിക്കൂട്ടം ചടങ്ങുകള്ക്കെത്തിയതോടെ പേയാട് ഗവ. എല്.പി.എസിലെ ബിരുദദാന ചടങ്ങ് വര്ണാഭമായി. സ്കൂളിലെ നഴ്സറി വിഭാഗത്തിെൻറ വാര്ഷിക പരിപാടിയായ ശലഭോത്സവമാണ് വേറിട്ടുനിന്നത്. യു.കെ.ജി വിദ്യാർഥികളുടെ ഒന്നാംക്ലാസിലേക്കുള്ള സ്ഥാനക്കയറ്റമാണ് 'കുട്ടി ബിരുദദാന ചടങ്ങ്' ആക്കി അധികൃതര് മാറ്റിയത്. ആദ്യം സദസ്സിലെത്തിയ നാട്ടുകാരും രക്ഷിതാക്കളും എന്താണ് ചടങ്ങ് എന്നറിഞ്ഞിരുന്നില്ല. വ്യത്യസ്ത വേഷവിധാനങ്ങളുമായി കുട്ടിക്കൂട്ടം എത്തിയശേഷം അറിയിപ്പ് എത്തിയതോടെയാണ് അവര്ക്കു കാര്യം പിടികിട്ടിയത്. നേമം ബ്ലോക്ക് വൈസ്പ്രസിഡൻറ് വിളപ്പല് രാധാകൃഷ്ണന് കുട്ടികള്ക്കു ബിരുദം സമ്മാനിച്ചു. പി.ടി.എ പ്രസിഡൻറ് എം.സി സുരേഷ്, മുതിര്ന്ന അധ്യാപിക രമാദേവി, പഞ്ചായത്ത് പ്രസിഡൻറ് കെ. അനില്കുമാര്, ജില്ല പഞ്ചായത്ത് അംഗം ശോഭനകുമാരി, സ്കൂള് ലീഡര് എസ്. സൂര്യ എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.