ശംഖുംമുഖം: എയർ ഇന്ത്യയുടെ വിമാനം അഞ്ചു മണിക്കൂർ വൈകി, യാത്രികർ പ്രതിഷേധിച്ചു. വെള്ളിയാഴ്ച വൈകീട്ട് അഞ്ചിന് ഷാ ർജയിലേക്ക് പുറപ്പെടേണ്ട എയർ ഇന്ത്യ എക്സ്പ്രസ് 537ാം നമ്പർ വിമാനമാണ് സാങ്കേതിക തകരാറുമൂലം വൈകിയത്. ഇതിൽ പുറപ്പെടേണ്ട 172 യാത്രക്കാർ 2.30ന് മുമ്പുതന്നെ ബോഡിങ് പാസെടുത്തിരുന്നു. എന്നാൽ, എമിഗ്രേഷൻ പരിശോധനക്കുശേഷം വിമാനത്തിന് സാങ്കേതിക തകരാറുണ്ടെന്നും പരിഹരിച്ച് അരമണിക്കൂറിനുള്ളിൽ പുറപ്പെടും എന്നും യാത്രികരെ അറിയിച്ചു. തുടർന്ന് യാത്രക്കാർ ലോഞ്ചിൽ കാത്തിരുന്നു. പിന്നീട് അഞ്ച് മണിക്കൂറായിട്ടും വിമാനം പുറപ്പെട്ടില്ല. ഇതോടെ യാത്രികർ പ്രതിഷേധവുമായി രംഗത്തിറങ്ങി. നാലു യാത്രികർ യാത്ര റദ്ദ് ചെയ്തതായി അറിയിച്ചു മടങ്ങിപ്പോയി. തകരാർ പരിഹരിച്ച് രാത്രി 10.40നാണ് വിമാനം പുറപ്പെട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.