തിരുവനന്തപുരം: ബന്ധുക്കൾ തമ്മിലുള്ള തർക്കം വധഭീഷണിയിലെത്തിയതിനെതുടർന്ന് മുൻ എം.എൽ.എ വർക്കല കഹാറിനെ പൊലീസ് ചോദ്യം ചെയ്തു. വർക്കല സ്വദേശികളായ ഹഫീസ്, മൂസ എന്നിവർ തമ്മിലുള്ള പ്രശ്നത്തിലാണ് വർക്കല കഹാറിനെ റൂറൽ ജില്ല ക്രൈംബ്രാഞ്ച് ചോദ്യംചെയ്തത്. ഹഫീസും മൂസയും കഹാറിെൻറ ബന്ധുക്കളാണ്. ഇവർ തമ്മിൽ തർക്കമായപ്പോൾ കഹാർ 'നിന്നെ തുലയ്ക്കു'മെന്ന് പറഞ്ഞതായി ഹഫീസ് മൂസയോട് പറഞ്ഞു. ഇതോടെ മൂസ റൂറൽ എസ്.പിക്ക് പരാതി നൽകുകയായിരുന്നു. അതിെൻറ അടിസ്ഥാനത്തിൽ എസ്.പി അന്വേഷണത്തിനായി ക്രൈംബ്രാഞ്ച് ഡിവൈ.എസ്.പി അശോകനെ ചുമതലപ്പെടുത്തുകയായിരുന്നു. ഹഫീസ്, മൂസ എന്നിവരെയും ചോദ്യം ചെയ്തു. തനിക്ക് സംഭവവുമായി ബന്ധമില്ലെന്ന് കഹാർ മൊഴി നൽകി. തുടർന്ന് മൂന്നുപേരെയും വിട്ടയച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.