കഴക്കൂട്ടം: ബൈപാസ് ജഗ്ഷനിൽ കെ.എസ്.ആർ.ടി.സി ബസും കാറും കൂട്ടിയിടിച്ച് വഴിയാത്രക്കാരന് പരിക്കേറ്റു. ആറ്റിങ്ങൽ അയിലം വാസുദേവപുരം സ്വദേശിയായ പ്രസാദിനാണ് (40) പരിക്കേറ്റത്. പ്രസാദിനെ കഴക്കൂട്ടത്തെ സ്വകാര്യ ആശുപത്രിയിൽ പ്രവേശിപ്പിച്ചു. ബുധനാഴ്ച രാവിലെ എട്ടിനാണ് അപകടം. കഴക്കൂട്ടത്ത് നിന്ന് ബൈപാസിലേക്ക് പോയ കാർ പെട്ടെന്ന് വലതുവശത്തേക്ക് തിരിയവേ പുറകിൽനിന്ന് വന്ന ബസ് കാറിെൻറ പുറകിൽ ഇടിക്കുകയായിരുന്നു. ഇടിയുടെ ആഘാതത്തിൽ കാർ റോഡിലെ ഡിവൈഡറിൽ ഇടിച്ചുകയറി. അപകടമുണ്ടായത് കഴക്കൂട്ടം പൊലീസ് സ്റ്റേഷനിൽനിന്ന് 200 മീറ്റർ മാത്രം ദൂരത്തിലായിരുന്നു. എന്നിട്ടും അരമണിക്കൂറിന് ശേഷമാണ് പൊലീസ് അപകടസ്ഥലെത്തത്തിയതെന്ന് ആരോപണമുണ്ട്. അപകടത്തെ തുടർന്ന് ഏറെനേരം ഗതാഗതക്കുരുക്കുമുണ്ടായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.