കാട്ടാക്കട: ടിപ്പർ ലോറിയിടിച്ച് സ്കൂൾ വിദ്യാർഥിനിക്ക് പരിക്ക്. കാട്ടാക്കട കുളത്തുമ്മൽ ഗവ. ഹയർ സെക്കൻഡറി സ്കൂൾ വിദ്യാർഥി അമ്പലത്തിൻകാല പാപ്പനം ഇടവിളാകത്ത് വീട്ടിൽ ബിനുവിെൻറ മകൾ പ്രിയക്കാണ് (17) പരിക്കേറ്റത്. ചൊവ്വാഴ്ച രാവിലെ ഒമ്പതോടെ ജങ്ഷനില്നിന്ന് സ്കൂളിലേക്ക് നടന്നുവരുന്ന വഴിയിൽ അമിതവേഗത്തിലെത്തിയ ടിപ്പർലോറി പ്രിയയെ ഇടിച്ചിടുകയായിരുന്നു. പ്രിയക്കൊപ്പമുണ്ടായിരുന്ന വിദ്യാർഥികള് അദ്ഭുതകരമായി രക്ഷപ്പെടുകയായിരുെന്നന്ന് ദൃക്സാക്ഷികൾ പറഞ്ഞു. തോളെല്ലിന് പൊട്ടലും കാലിന് പരിക്കുമേറ്റ പ്രിയയെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വിദ്യാർഥികളും നാട്ടുകാരും ചേർന്ന് ലോറി ഡ്രൈവർ കട്ടയ്ക്കോട് സ്വദേശി ജിജിയെ പിടികൂടി കാട്ടാക്കട പൊലീസിന് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.