തിരുവനന്തപുരം: ഫേസ്ബുക്കിലൂടെ സ്ത്രീകളെ പരിചയപ്പെട്ട് വിവാഹവാഗ്ദാനം നൽകി പീഡിപ്പിച്ച് പണം തട്ടുന്ന പട്ടാമ്പി സ്വദേശി പൊലീസ് പിടിയിൽ. കൃഷ്ണൻകുട്ടി എന്ന മധുവിനെയാണ്(42) വഞ്ചിയൂർ പൊലീസ് അറസ്റ്റ് ചെയ്തത്. ഗുരുവായൂർ, തൃശൂർ എന്നിവിടങ്ങളിലേക്ക് കൂട്ടിക്കൊണ്ടുപോയാണ് സ്ത്രീകളെ ലൈംഗികമായി പീഡിപ്പിച്ചത്. തുടർന്ന് ഇവരിൽ നിന്ന് പണം തട്ടുകയാണ് പതിവ്. തിരുവനന്തപുരം പള്ളിച്ചൽ സ്വദേശിനിയിൽ നിന്ന് രണ്ടരലക്ഷം രൂപ കൈപ്പറ്റുകയും ഫെബ്രുവരി മുതൽ ഇവരെ വിവാഹം ചെയ്യാമെന്ന് വാഗ്ദാനം നൽകി ലൈംഗികമായി പീഡിപ്പിക്കുകയും ചെയ്തെന്ന കേസിലാണ് അറസ്റ്റ്. ഇത്തരത്തിൽ മറ്റ് പല സ്ഥലങ്ങളിലും ഇയാൾ കേസിലുൾപ്പെട്ടതായി വിവരമുണ്ട്. വഞ്ചിയൂർ പൊലീസ് ഇൻസ്പെക്ടർ സുരേഷ് വി. നായർ, എസ്.ഐ സുരേഷ്, എസ്.സി.പി.ഒമാരായ ജയകുമാർ, രാജേഷ്, രഞ്ജിത്ത് എന്നിവർ ചേർന്നാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.