കണിയാപുരം: ജനങ്ങളെ എണ്ണയിൽ മുക്കിക്കൊല്ലുന്ന മോദി സർക്കാറിനെതിരെ ജനരോഷം ഉയർന്നു വരുന്നതായി വെൽഫെയർ പാർട്ടി ജില്ല ട്രഷറർ എം. ഖുത്തുബ്. വെൽഫെയർ പാർട്ടി കണിയാപുരം ആലുംമൂട് ജങ്ഷനിൽ നടത്തിയ പ്രതിഷേധ ധർണ ഉദ്ഘാടനം ചെയ്യുകയായിരുന്നു അദ്ദേഹം. ഇന്ധന വില വർധിപ്പിച്ചുകൊണ്ടിരിക്കുന്ന എണ്ണക്കമ്പനികൾക്ക് രാജ്യത്തെ തീറെഴുതുകയാണ് കേന്ദ്ര സർക്കാർ. പെട്രോളിെൻറ വില നിർണയാധികാരം എണ്ണക്കമ്പനികളിൽനിന്ന് സർക്കാർ തിരിച്ചു പിടിക്കണം. പെട്രോളിയം ഉൽപന്നങ്ങളെ ജി.എസ്.ടിയുടെ പരിധിയിൽ കൊണ്ടുവരണമെന്നും അദ്ദേഹം പറഞ്ഞു. ജില്ല സെക്രട്ടറി മുംതാസ്, നെടുമങ്ങാട് മണ്ഡലം പ്രസിഡൻറ് എ.എ. ജവാദ്, സെക്രട്ടറി സിയാദ്, അണ്ടൂർക്കോണം പഞ്ചായത്ത് പ്രസിഡൻറ് നാസർ, അൻസാർ പാച്ചിറ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.